Arendalyq turǵyn úı baǵdarlamasy boıynsha daıyn baspanalardy alý konkýrstarynyń jeńimpazdary anyqtaldy

ASTANA. QazAqparat - Arendalyq turǵyn úı boıynsha daıyn baspanalardy alý konkýrstary ótkizilip, jeńimpazdary anyqtaldy. Bul týraly búgin Aqordada ótip jatqan QR Úkimetiniń keńeıtilgen quramdaǵy otyrysynda QR Premer-Mınıstriniń birinshi orynbasary Baqytjan Saǵyntaev málim etti.

«Arendalyq turǵyn úı boıynsha daıyn baspanalardy alý konkýrstary ótkizilip, jeńimpazdary anyqtaldy. Astana, Almaty, Kókshetaý, Qostanaı, Semeı qalalarynda kezekte turǵandarǵa bastapqy 1357 páter naýryzda beriledi», - dedi B. Saǵyntaev.

Onyń sózine qaraǵanda, jańa turǵyn úılerdiń qurylysy sáýirde bastalady dep kútilýde.

«Osy arqyly qabyldanǵan sharalardyń nátıjesinde ónárkásipti turaqty damytý, kóktemgi egis naýqanyn ýaqytyl bastaý men shaǵyn jáne orta bızneske qoldaý kórsetý qamtamasyz etiledi»,-dedi ol.

Sóz sońynda B. Saǵyntaev QR Úkimeti Elbasy tarapynan 2015 jyly Qazaqstannyń ekonomıkasyn turaqty damýyn qamtamasyz etý boıynsha qoıylǵan barlyq maqsat-mindetterdi oryndaýdy jalǵastyratynyn qadap aıtty.