Ardaq Zebeshev QR Syrtqy ister mınıstriniń orynbasary laýazymyna taǵaıyndaldy
ASTANA. KAZINFORM - Memleket basshysynyń ókimimen Ardaq Temirhanuly Zebeshev Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy.
Bul týraly Aqordanyń baspasóz qyzmeti habarlady.
1981 jyly Ońtústik Qazaqstan oblysynda dúnıege kelgen.
2003 jyly M. Áýezov atyndaǵy Ońtústik Qazaqstan memlekettik ýnıversıtetin «Halyqaralyq qatynastar» mamandyǵy boıynsha, 2006 jyly Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha támamdaǵan. 2014 jyly «Bolashaq» baǵdarlamasy boıynsha King’s College London ýnıversıtetin «Memlekettik basqarý» mamandyǵy boıynsha bitirgen, al 2019 jyly Warwick Business School (Ulybrıtanııa) oqý ornynda MBA dárejesin alǵan.
Mansap
2003–2016 jyldary Ońtústik Qazaqstan oblysy ákiminiń apparatynda, Qazaqstan Respýblıkasy Aýyl sharýashylyǵy mınıstrliginde, Qazaqstan Respýblıkasy Syrtqy ister mınıstrliginde jáne Qazaqstan Respýblıkasy Premer-Mınıstri Keńsesinde qyzmet atqarǵan.
2016–2019 jyldary «Samuryq-Qazyna» AQ qurylymdarynda basshylyq laýazymdarda jumys istegen, sondaı-aq Qazaqstan Respýblıkasy Aýyl sharýashylyǵy mınıstriniń jáne Qazaqstan Respýblıkasy Premer-Mınıstriniń orynbasarynyń keńesshisi bolǵan.
2019–2024 jyldary Qazaqstan Respýblıkasy Syrtqy ister mınıstrliginiń Investıtsııalar komıtetinde qyzmet atqaryp, basqarma basshysynan komıtet tóraǵasyna deıingi eńbek jolynan ótken.
2024 jylǵy aqpanda Qyzylorda oblysy ákiminiń orynbasary bolyp taǵaıyndalyp, 2026 jylǵy maýsymda Qazaqstan Respýblıkasy Syrtqy ister mınıstrliginiń Investıtsııalar komıtetiniń tóraǵasy bolyp taǵaıyndaldy.
«Qurmet» ordenimen nagradtalǵan.
Aǵylshyn tilin meńgergen.
Aıta keteıik, osyǵan deıin Erlan Qoshanov Halyq Keńesiniń tóraǵasy bolyp saılandy.
