Ardaq Smaıylov Bulandy aýdanynyń ákimi bolyp taǵaıyndaldy

QR Prezıdenti Ákimshiliginiń jáne aýdandyq máslıhat depýtattarynyń kelisýi boıynsha Aqmola oblysy ákiminiń ókimimen Ardaq Smaıylov Bulandy aýdanynyń ákimi bolyp taǵaıyndaldy, dep habarlaıdy Kazinform Aqmola oblysy ákiminiń baspasóz qyzmetine silteme jasap. 

Ardaq Dýlatuly Smaıylov 1969 jyly Almaty qalasynda týǵan. «Agronomııa», «qarjy jáne kredıt», «zańtaný» mamandyqtary boıynsha úsh joǵary bilimi bar.

1994 jylǵy tamyzdan beri keden organdarynda jaýapty qyzmetter atqardy.

2015 - 2017 jyldary Almaty oblysy ákiminiń apparatynda taldaý bólim meńgerýshisi, 2020 jylǵy qazanǵa deıin Almaty oblysy ákiminiń keńesshisi bolyp istedi.

2020 - 2022 jyldary - Býrabaı aýdany ákimi apparatynyń basshysy. 2022 jylǵy qyrkúıekten beri Bulandy aýdany ákiminiń orynbasary laýazymyn atqardy.

Aıta ketsek, budan buryn Aqmola oblysynyń Polıtsııa departamentinde birqatar kadrlyq aýys-túıis bolǵanyn jazǵan edik.