Ardagerlik uıym belsendileri QR Prezıdenti Joldaýynyń negizgi erejelerin talqylady
ASTANA. QazAqparat - Astanada el Prezıdenti Nursultan Nazarbaevtyń Qazaqstan halqyna Joldaýynyń negizgi erejelerin túsindirý boıynsha ardagerler uıymdary ókilderiniń kezdesýi ótti. Sharany L.N.Gýmılev atyndaǵy EUÝ áleýmettik ǵylym fakýlteti bazasynda «Qaharman urpaq» qoǵamdyq qory uıymdastyrdy, dep habarlaıdy QazAqparat.
Kezdesý barysynda Joldaý ekonomıkadaǵy, saıasattaǵy sońǵy jahandyq álemdik syn-qaterlerdi esepke alyp, memlekettik damýdyń barlyq jaqtaryn qamtıtyny atalyp ótti. Ekonomıkalyq táýelsizdikti saıasatty, qoǵam men memlekettiń áleýmettik áriptestigin odan ári jetildirý, adam kapıtalynyń sapasyn jaqsartý, eńbek naryǵyn jańǵyrtý, óz ýchaskesinde ár sektordyń jaýapkershiligin arttyrý, áleýmettik baǵdarlamalar men memlekettiń qaýipsizdigin qamtamasyz etýdiń baǵyttary men strategııasyn naqty aıqyndap berdi.
Munyń barlyǵy Strategııa 2030, Strategııa 2050, «Nurly Jol» ekonomıkalyq saıasaty, «100 naqty qadam» ult jospary baǵdarlamalarynyń negizindegi eldiń dáıekti damýy. Baıandamashylar bilim berý, jastardy patrıottyq tárbıeleý, ardagerlerdi áleýmettik qorǵaý máselelerin qozǵady.
Kezdesýge «Ardagerler uıymy» Ortalyq keńesi, Astana qalalyq jáne aýdandyq keńester, «Aýǵanstandaǵy soǵys ardagerleri jáne QR jergilikti qaqtyǵystar odaǵy», «Namys» jedel qyzmet ardagerleri», «Ardagerler odaǵy», «Qazbek Ábdirahmanov atyndaǵy Aýǵanstanda qaza tapqandar men soǵys múgedekteriniń otbasylaryn qoldaý qory», «Qaharman urpaq» qory ókilderi, L.N.Gýmılev atyndaǵy EUÝ professorlyq-oqytýshylyq quramy men stýdentteri qatysty.
Shara sońynda stýdenttermen «aýǵandyq» ardagerlerdiń taqyryptyq kezdesýi ótti. Onda otbasy qundylyqtary, tárbıe, patrıotızm, Otanǵa shyn berilgendik máseleleri qozǵaldy.
