Ardagerlerdiń qoǵamdyq ómirdegi róli aıryqsha - Q.Súleımenov

ASTANA. 10 sáýir. QazAqparat -  Almaty qalasynda Qazaqstan Respýblıkasy Parlamenti Májilisiniń depýtaty, Respýblıka ardagerleri ortalyq keńesiniń tóraǵasy Qaıyrbek Súleımenov atalǵan keńestiń qurylýynyń 25 jyldyq mereıtoıyna oraı ardagerlerdiń qalalyq uıymynyń belsendilerimen kezdesti.

Parlamentshi ardagerlerdi ataýly mereıtoımen quttyqtady, sodan keıin quryshtaı shyńdalǵan qarııalardyń qoǵamdyq ómirdegi rólin aıryqsha aıta kelip, birqataryna marapattardy tabys etti.

Sonymen qatar depýtat Qazaqstan Prezıdentiniń  el halqyna arnaǵan Joldaýy týraly oılarymen bólisti. Joldaýdaǵy aıqyndalǵan mindetterdiń mańyzdylyǵyna toqtaldy. Elbasy Joldaýyndaǵy tapsyrmalardyń oryndalýy el damýyndaǵy jańa kezeńge kóterilýimizdiń negizi ekenin jetkizdi. Zeınetaqy júıesin jetildirý úshin jınaqtaýshy zeınetaqy qoryn tıimdi paıdalanýdyń mańyzdy bolatyny aıtyldy.