Ardagerlerdiń Astana men Máskeý qalalaryndaǵy áskerı sherýge qatysýyna 61 mln. teńge bólindi
«Astana qalasynda Jeńisti atap ótýge arnalǵan is-sharalarǵa 270 soǵys ardageri kelip qatysady. Olardy ertip júretin 80 adamǵa da múmkindikter jasalady. Máskeý qalasynda Qyzyl alańda ótetin áskerı paradqa 6 soǵys ardageri attanady jáne 6 erip júretin adam qatysady. Astana men Máskeý qalalaryndaǵy Jeńisti atap ótýge arnalǵan is-sharalarǵa ardagerlerdiń qatysýyna respýblıkalyq bıýdjetten 2015 jyly 61 mln. teńge bólindi», - dedi vıtse-mınıstr.
Qazirgi ýaqytta olar úshin Máskeýde jáne Astanada qajetti qonaqúı bólmelerine aldyn ala tapsyrystar berildi.
Svetlana Jaqypova budan bólek 2015 jyly Uly Otan soǵysyna (UOS) qatysqandar men múgedekterge, olarǵa teńestirilgen tulǵalarǵa, tyl eńbekkerlerine jáne Uly Otan soǵysyndaǵy Jeńiske úles qosqan QR ózge de azamattaryna bir rettik materıaldyq kómek berýge respýblıkalyq bıýdjette 5,8 mlrd. teńge qarastyrylǵanyn aıtty.
2015 jylǵy 1 sáýirdegi jaǵdaı boıynsha, Qazaqstanda 4715 - Uly Otan soǵysyna qatysqandar men múgedekter, 193015 - UOS jyldarynda tylda jumys istegender; 245 - «Qorshaýdaǵy Lenıngrad turǵyndary»; 616 kámeletke tolmaǵan kontslagerde qamaýda, getto jáne basqa da májbúrli oryndarda bolǵandar; 172 UOS kezindegi áskerı qyzmetkerlerdiń áıelderi, partızandar, astyrtyn jumys istegender, qaıtys bolǵandar (iz-túzsiz joǵalyp ketkender), qaıta úılenbegender; 10808 - qaıtys bolǵan múgedekterdiń áıelderi.
