Ardagerler jasara beredi: Toqaev tegin medıtsınalyq kómekti kimder alyp júrgeni týraly
ASTANA. KAZINFORM – Memleket basshysy Qasym-Jomart Toqaev tegin medıtsınalyq kómektiń jeńildikterin alyp júrgen keı sanattardy synǵa aldy.
Buǵan deıin Prezıdent eldiń áleýmettik mindettemelerden bas tartpaıtynyn, tegin medıtsınalyq kómek alýǵa quqyǵy Konstıtýtsııada bekitilgenin aıtqan edi.
– Tegin medıtsınalyq qyzmetterdiń tizimi munymen túgesilmeıdi. Azamattarymyzdyń basym bóligi onyń ıgiligin kórip jatyr. Bir qyzyǵy, nege ekeni belgisiz, aqysyz medıtsınalyq kómekke júginýshilerdiń sany jazǵy demalystan keıin kúzde, qysta jáne erte kóktemde kúrt artyp, kelesi demalystarǵa deıin jalǵasady, – dedi Qasym-Jomart Toqaev Prezıdent saıabaǵynda ótken «Taza Qazaqstan» ekologııalyq aktsııasynda.
Sondaı-aq Prezıdent óz usynysymen qurylǵan «Qazaqstan halqyna» qoryn eske saldy. Atalǵan qor da kóp kómek kórsetedi, ásirese aýyr dertke shaldyqqan balalarǵa qol ushyn sozady.
– Dárigerlerdiń málimeti boıynsha mundaı jeńildikterdi ótken ǵasyrdaǵy soǵystar men qaqtyǵystarǵa, apattardy joıýǵa qatysqan «ardagerler» paıdalanyp júr. Bul oqıǵalardyń bári tarıh qoınaýyna ketti, biraq, nege ekeni túsiniksiz, ardagerler jasara beredi, – dedi Memleket basshysy.
Áleýmettik salada, ásirese, túrli deńgeıdegi múgedektikti aıqyndaǵan kezde áli de zańdy belden basý faktileri kezdesedi.
– Biz kezderi múgedektigi bar jandar 800 myńnan asyp ketti, al halyq sany – 20 mıllıon. Beıbit zamanda buǵan sený qıyn. Jazýshy Chehovtiń sózimen aıtsaq, «Bulaı bolmaýǵa tıis, óıtkeni olaı bolýy eshqashan múmkin emes», – dedi Q. Toqaev.
Buǵan deıin Prezıdent el ishindegi joldardyń sapasyna shúıligip, sabotajǵa teńegen edi.
Qazaqstannyń iri qalalaryndaǵy tazalyq, qaýipsizdik jáne jaıly qoǵamdyq keńistikter sheteldik qonaqtardyń da nazaryn aýdaryp otyr.
Sondaı-aq astanalyq Ýrbanıstıka ortalyǵynyń tájirıbesin óńirlerge taratý qajet.
