Ardagerler uıymy Prezıdenttiń úndeýine qoldaý bildirdi
«El ardagerleri kezekten tys Prezıdent saılaýyn ótkizýge tolyq qosylady. Qaı jerde tynyshtyq bolsa, sol jerde bereke birlik bar. Eldiń ekonomıkasy damıdy jáne memlekettiń áleýeti birligi kúsheıedi. Qazaqstan tarıh sahnasynan oıyp turyp óz ornyn aldy. Táýelsizdik - táńirdiń bizdiń urpaqqa bergen úlken baqyty, halqymyzdyń máńgilik qundylyǵy. Biz búgingi jetistikterimizge táýelsizdiktiń arqasynda qol jetkizdik. Qazaqstan - búginde Eýrazııanyń júreginde ornalasqan, tatý-tátti ómir súrip jatqan kópultty memleket. Az ýaqyttyń ishinde elimiz, sport, bilim, ǵylym, mádenıet, ónerde iri tabystarǵa qol jetkizdi. Tatýlyq pen birlikti alǵa tartqan Qazaqstan búginde Ortalyq Azııadaǵy elderdiń kóshin bastap keledi», - deıdi Ardagerler uıymy ortalyq keńesiniń keńeıtilgen otyrysynda atalmysh uıym tóraǵasynyń birinshi orynbasary Ómirzaq Ozǵanbaev.
Ardagerler uıymynyń músheleri 19 naýryzda Elbasynyń Prezıdenttik ókilettigin toqtatýy tarıhı sheshim bolǵanyn málim etti.
«Elbasymyzdyń táýelsiz Qazaqstanǵa sińirgen eńbegi ushan-teńiz. Prezıdentimiz Qasym-Jomart Toqaev Qazaqstan azamattaryna arnaǵan úndeýinde aldaǵy el Prezıdentin saılaýdy kezekten tys ótkizýdiń elimiz úshin mańyzdylyǵyn negizdedi. Álemdegi halyqaralyq saıası ahýal turaqsyz bolyp turǵan kezeńde el qaýipsizdigine tikeleı qatysty qoǵamdyq-saıası kelisimdi qamtamasyz etý, alǵa qaraı nyq jyljý, áleýmettik-ekonomıkalyq damý mindetterin sheshý úshin Prezıdenttiń ókilettigi tolyq bolýy kerek. Saılanǵan Prezıdent halyqtyń senimin alǵan tulǵa eldiń atynan batyl sheshimder qabyldaı alady. El ardagerleri Prezıdent saılaýyn ótkizý elimiz úshin durys sheshim dep biraýyzdan qoldaıdy», - deıdi Ómirzaq Ozǵanbaev.
Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.
Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.
