Ardagerler uıymdarynyń materıaldyq qamtamasyz etilý kórsetkishi jaǵynan Almaty respýblıkada kósh sońynda kele jatyr - Qaıyrbek Súleımenov

ALMATY. 16 tamyz. QazAqparat -  Almatyda 180 myń ardager bar. Bul búgin QR Parlament Májilisiniń depýtaty, QR Ardagerleri ortalyq keńesiniń tóraǵasy Qaıyrbek Súleımenovtiń Almatyda qalalyq ardagerler keńesiniń múshelerimen bolǵan kezdesýi kezinde aıtyldy.

«Repýblıkada 157 myń ardager uıymdarmen qamtamasyz etilmegen. Ol ardagerdiń jalpy sanynyń 7 paıyzyn quraıdy. Almatyda bul kórsetkish 3 paıyz kóleminde», - deıdi Q.Súleımenov. Onyń aıtýynsha, qazir elimizdegi 2 mıllıonan astam ardagerdiń 180 myńy Almatyda turady. Qalada olardyń 200 uıymy bar. Ardagerlerdi uıymdarmen tolyq qamtamasyz etý úshin aldaǵy ýaqytta taǵy 300 uıym qurý qajet. Uıymdardyń materıaldyq qamtamasyz etilýi jaǵynan búgingi tańda Almaty respýblıkadaǵy 14 oblys pen respýblıkalyq mańyzy bar 2 qalanyń arasynda eń sońǵy orynda kele jatyr. Sondaı-aq áli kúnge deıin arnaıy Ardagerler úıin salý máselesi óz sheshimin tappaı otyr.