Ardagerler «Astana - Máskeý - Kıev - Kıshınev» beınekópiri arqyly tildesti
Іs-shara barysynda Qazaqstan, Reseı, Ýkraına men Belarýstyń ardagerleri sonaý Uly Otan soǵysy jyldaryna sholý jasap, qandy shaıqastyń sońǵy kúnderin eske aldy. Osydan 66 jyl buryn týra osy ýaqytta olar sol kezdegi fashıstik Germanııanyń astanasy - Berlın qalasyn qorshaýǵa alǵan edi. Keńes áskeriniń kóptigine qaramastan, nemis soldattary bul qalany barynsha qorǵap qalýǵa tyrysty. Sol kezde qandyqol Gıtler kámelettik jasqa tolmaǵan jasóspirimderge, áıelder men qarııalarǵa qarý taratyp, vermahttyń ordabasyn bar jan-tánimen qorǵaýdy tapsyrdy. Biraq keńes áskeriniń shabýylyna shydamaı, tas-talqan bolyp jeńildi. Osynyń bárin kórip, Uly Jeńistiń rýhyn osy kúnge deıin jetkizgen sol kezdegi jas sarbazdar - qazirgi qart ardagerler búgin beınekópir arqyly maıdandas-dostarymen suhbattasyp, bir marqaıyp qaldy.
