Ardager ustaz: Prezıdent aıtqan úzdiksiz bilim berý tujyrymdamasy - quptarlyq qadam

NUR-SULTAN. QazAqparat - Qazaqstan Kommýnıstik Halyq partııasynyń Atyraý oblystyq fılıalynyń birinshi hatshysy Erbolat Dáýletqazıev Prezıdenttiń búgingi Qazaqstan halqyna jyl saıynǵy dástúrli Joldaýynda aıtqan bilim berý salasyna qatysty máselelerge oraı pikir bildirdi, dep habarlady Strategy2050.kz.

Ardager ustaz Prezıdent aıtqan úzdiksiz bilim berý tujyrymdamasyn qoldaıtynyn bildirdi.

Meniń eńbek jolym bilim salasymen baılanysty. Jubaıym da mektepte muǵalim. Búgingi Toqaev Joldaýynda bilim men ǵylym salasyna qatysty mańyzdy málimdeme jasady., - dedi ol.

Azamattardyń saýattylyq deńgeıi men olardyń tsıfrlyq bilimin arttyrý maqsatynda Úkimet úzdiksiz bilim berý tujyrymdamasyn ázirleıtin boldy.

Qazirgi zaman aǵymynda bul quptarlyq qadam. Bul qujatta beıresmı bilimniń balamaly nusqalaryn belsendi engizýdi, ózindik oqýdyń nátıjesin moıyndaýdy, kásibı daǵdylardy serfıkattaýdy qarastylatynyn aıtty, - dedi sarapshy.

Bilim salasyndaǵy basty máseleniń biri – ustazdar jalaqysynyń azdyǵy. «Men 2021 jyldyń qańtar aıynan bastap muǵalimderdiń eńbekaqysyn 25 paıyzǵa kóbeıtý jóninde sheshim qabyldadym. Jalaqy mólsheri aldaǵy ýaqytta da arta beredi. Bul maqsatqa aldaǵy úsh jylda qosymsha 1,2 trln teńge bólinedi», - dedi Prezıdent.

Ózim muǵalim bolyp jumys istegendikten, ustazdarǵa júkteletin mindet pen jaýapkershiliktiń salmaǵyn jaqsy bilemin. Olardyń jalaqysyn kóterip, mártebesin bıiktetip jatqan Prezıdentke muǵalimderdiń alǵysy kóp. Qazir onlaın bilim berýge kóshkenimen, ustazdardyń jumysy azaıǵan joq. Zamannyń talaby shyǵar, barǵan saıyn muǵalimderdiń jumysy qıyndap jatyr. Osyǵan sáıkes olardyń jalaqysyn kóterýdi men árıne quptaımyn, - dedi ol.

Búgin Prezıdent ashyq boldy. Keıbir salany ashyq synǵa aldy. Bilim salasyna da qatysty syn estidim. Máselen, onlaın bilim berýde platformalardyń joqtyǵy. Qashyqtan bilim berýde Úkimettiń qatelik jibergenin aıtty. Kósh júre túzeledi. Mundaı oqytý júıesi tarıhta tuńǵysh ret bolǵandyqtan qateliktiń bolatyny aqıqat. Biraq birizdendirilip kele jatyr. Prezıdenttiń tapsyrmasy men osyndaı syn pikirleri jumystyń alǵa júrýine ıtermeleıdi. Áli talaı dúnıe ońalar. Prezıdent aıtqandaı, qazir tek jańa tarıhı dáýirdiń basyndamyz. Keler jyly táýelsizdigimizge 30 jyl tolady. Men Qazaqstannyń bolashaǵyna, Prezıdenttiń reformalaryna, bastamalaryna senemin, - dedi Erbolat Ǵusmanuly.