Ardager ury eken dep shóberesin atyp tastady
ASTANA. 4 sáýir. QazAqparat - Kýzbasta 87 jasar soǵys ardageri terezeniń jelkózi arqyly kirmekshi bolǵan shóberesin ury dep oılap, atyp tastaǵan, dep habarlaıdy Life News aqparat agenttigi.
Agenttiktiń aıtýynsha, 87 jasar Petr Alekseev páterinde qatty uıqyǵa berilip jatqan kezinde túngi serýennen kelgen shóberesi esikti qaǵyp, ony oıata almaǵan. Sóıtip, 20 jasar Maksım Sıdelnıkov páterge terezeniń jelkózi arqyly kirýge sheshim qabyldaıdy.
Osy kezde qatty sybdyrdan oıanyp ketken ardager ony úıge kirgen ury eken dep oılap ańshy myltyǵymen atyp salǵan.
«Jas jigit aıqaılap úlgirmegen, oq onyń dál keýdesine tıgen. Osy kezde óziniń shóberesi ekendigine kózi jetken ardager jigitti qolyna kóterip alǵan. Alaıda ol abaısyzda kisi óltirýshiniń qolynda jatyp kóz jumady», - dep áńgimeleıdi bolǵan oqıǵa týraly Kemerov oblysynyń quqyq qorǵaý organdary.
