Ardager Temirǵalı Ádilbekov elordalyq oqýshylarmen soǵys týraly estelikterimen bólisti
ASTANA. 3 mamyr. QazAqparat - «Nazarbaev ortalyǵy» murajaıynda Jeńis kúnine oraılastyrylǵan Uly Otan soǵysynyń ardageri Temirǵalı Ádilbekovpen kezdesý ótti, dep habarlaıdy memlekettik mekemeniń baspasóz qyzmeti.
T.Ádilbekov - Uly Otan soǵysy, partııa jáne eńbek ardageri, Kýrsk doǵasy shaıqasyna qatysýshy. Ústimizdegi jyly otstavkadaǵy podpolkovnık qos mereıtoıyn atap ótýde - 1 mamyrda ol 90 jasqa toldy, al 5 shildede - Kýrsk shaıqasyna 70 jyl toldy.
Aqsaqal surapyl soǵys jyldary jónindegi estelikterimen bólisip, jastarǵa alǵa qoıǵan maqsattarǵa qalaı jetý kerektigin áńgimelep berdi, sondaı-aq barshany alda kele jatqan merekemen quttyqtady.
Іs-sharany ótkizýge Astanadaǵy №27 mektep-gımnazııasynyń oqýshylary men oqytýshylary belsendi qatysty.
Kýrsk shaıqasy (1943 jylǵy 5 shilde - 23 tamyz) óz aýqymy, iske qosylǵan kúshter men quraldar, qaýyrttylyǵy, nátıjesi jáne áskerı-saıası saldary boıynsha Uly Otan soǵysynyń negizgi shaıqastarynyń biri bolyp tabylady. Bul adamzat tarıhyndaǵy eń iri tanki shaıqasy boldy, oǵan shamamen eki mıllıon adam, 6 myń tanki, 4 myń ushaq qatysqan. Keńes áskerleriniń jeńisti joly Kýrsk shaıqasynan bastalǵan bolatyn.
