Ardager Ahat Bekmádi jastarǵa óz memleketine laıyqty tulǵa bolýdy tiledi

MÁSKEÝ. QazAqparat - Máskeýge Jeńistiń 70 jyldyq mereıtoıyna kelgen qazaqstandyq ardager Ahat Bekmádi jastarǵa óz Otanyna, halqyna adal qyzmet etip, óz memleketine laıyqty tulǵa bolýdy tiledi.

«Bizge taǵdyr osy kúndi kórýdi násip etken eken. Qanshama jastar soǵysta otbasyn da qurmastan qyrshynynan qıyldy», - dep oıymen bólisti ardager.

«Óz Otanyma tileıtinim, qazaqstandyq jastar óz memleketine laıyqty tulǵa bolyp qalyptasyp, ǵylym, eńbek shyńyn baǵyndyryp, óz halqyna adal qyzmet etse dep tileımin», - dedi ol.

Ahat Bekmádi Máskeý túbindegi, Kýrsktegi aıqasqa qatysqan. I jáne II dárejeli Otan soǵysy ordeni men «Germanııadaǵy jeńisi úshin» medalimen marapattalǵan.