Árbir synı pikir Konstıtýtsııany jetildirýge múmkindik beredi – Aıdos Sarym

ASTANA. KAZINFORM – Aıdos Sarym Konstıtýtsııa jobasyn ázirleý barysynda halyqtyń belsendi qatysýy men qoǵamdyq pikirdi eskerý mańyzdy ekenin atap ótti.

Depýtattyń aıtýynsha, Konstıtýtsııalyq reformanyń jumysyna Konstıtýtsııalyq sot, Joǵary sot, Parlament apparaty, Úkimet apparaty, Prezıdent ákimshiligi, máslıhattar jáne qoǵamdyq keńesterdiń júzdegen qyzmetkerleri qatysqan. Azamattar e-Otinish jáne eGov portaldary arqyly da usynystaryn joldaǵan.

— Bul jumysqa myńnan astam adam qosyldy. Halyqtyń usynystary men syn-pikirleri reformanyń ashyq ári ádil júrgizilýin qamtamasyz etedi, — dedi Aıdos Sarym.

Ol skeptıtsızm men syn-pikirlerdi qabyldaýdyń mańyzdylyǵyn atap, olar Konstıtýtsııa jobasyn jetildirýge septigin tıgizetinin aıtty.

— Biz syn men skeptıtsızmdi qabyldaýǵa daıyn bolýymyz kerek. Árbir krıtıkalyq pikir bizge Konstıtýtsııany jetildirýge múmkindik beredi. Bul referendým – tek zańdyq protsess emes, bul eldiń saıası jáne áleýmettik mádenıetin qalyptastyrýǵa arnalǵan tarıhı synaq. Biz jańa dáýirdi birge bastaımyz, jáne bul jolda árbir azamattyń qundylyqtary men múddesi eskeriledi, — dedi depýtat.

Aıta keteıik, buǵan deıin Konstıtýtsııa reformasy boıynsha «E-Ótinishke» túsken usynystar sany 4 myńnan asqanyn jazǵan edik.