Qazaqstan jylqy eti ónimderiniń eksportyn arttyrý úshin halyqaralyq standart usyndy – sheteldegi qazaq baspasózi

Qytaıdan Eýropa men Ortalyq Azııaǵa 21 570 júk poıyzy jóneltildi – Halyq gazeti

2026 jyldyń qańtar-shilde aılarynda Qytaıdan Eýropa men Ortalyq Azııaǵa qatynaıtyn 21 570 júk poıyzy jolǵa shyqty. Bul ótken jyldyń sáıkes kezeńimen salystyrǵanda 10,3%-ǵa kóp, dep jazady qytaılyq Halyq gazeti basylymy.

Onyń ishinde Qytaı-Eýropa baǵytynda 12 988 poıyz qatynap, jyldyq ósim 17,6%-dy qurady. Al Qytaı-Ortalyq Azııa baǵytynda 8 582 júk poıyzy jóneltilip, bul kórsetkish 0,7%-ǵa artty.

Bul týraly Qytaı memlekettik temirjol toby habarlaǵan. Kompanııanyń málimetinshe, júk poıyzdarynyń turaqty ósýi Qytaıdyń Eýropa jáne Ortalyq Azııa elderimen saýda-ekonomıkalyq baılanystaryn nyǵaıtýǵa yqpal etip otyr.

Qazaqstan jylqy etiniń eksportyn arttyrý úshin halyqaralyq standart usyndy – Eurasia Today

Qazaqstan jylqy etinen jasalǵan ónimderge arnalǵan alǵashqy halyqaralyq ISO standartyn ázirleýdi usyndy. Bul bastama 19 tamyzda Astanada ótken et ónimderiniń sapasyna arnalǵan forýmda kóterildi.

Bul týraly osy aptada Qyrǵyzstanda shyǵatyn Eurasia Today aqparat agenttigi habarlady. 

Atalǵan BAQ-tyń keltirgen derekterine súıensek, QR Saýda jáne ıntegratsııa mınıstrliginiń málimetinshe, búginde jylqy eti ónimderine qatysty biryńǵaı halyqaralyq standart joq. Bul termınologııa, jikteý, tańbalaý jáne sapany baǵalaýda aıyrmashylyqtarǵa ákelip, ónim eksportyna kedergi keltirýi múmkin. 

Bolashaq standarttyń negizine GOST 34921–2023 «Ulttyq jylqy etinen jasalǵan ónimder. Tehnıkalyq sharttar» qujatyn alý usynyldy. Oǵan qazy, shujyq, jal, jaıa jáne basqa da jylqy etinen jasalǵan ónimder engizilýi múmkin. Qazaqstan halyqaralyq jumys tobyn quryp, onyń jumysyna jetekshilik etýge daıyn ekenin bildirdi. Forým qorytyndysynda ISO standartyn ázirleý, qazaqstandyq sarapshylar men bıznes ókilderiniń halyqaralyq standarttaý jumystaryna qatysýyn keńeıtý jáne zerthanalyq bazany damytý baǵyttary belgilendi.

Sondaı-aq osy aptada Eurasia Today basylymynda «Ortalyq Azııa elderi úshin Eýrazııalyq ekonomıkalyq odaqqa qatysý mańyzdy» degen taqyryptaǵy aqparat jaryq kórdi. 

Keltirilgen derekterge súıensek, Ortalyq Azııa elderi úshin 2015 jyly qurylǵan Eýrazııalyq ekonomıkalyq odaqqa (EAEO) qatysý áleýmettik-ekonomıkalyq damýǵa yqpal etetin mańyzdy faktor. Tájikstan Ulttyq ǵylym akademııasynyń Azııa jáne Eýropa elderin zertteý ınstıtýty bóliminiń basshysy Farıda Kýrbanzodanyń pikirinshe, Qazaqstan men Qyrǵyzstannyń tájirıbesi ıntegratsııanyń óńir ekonomıkasyna áserin kórsetedi. 

Qyrǵyzstan úshin EAEO-ǵa qatysý iri naryqqa shyǵýǵa, kedendik kedergilerdi azaıtýǵa jáne eńbek mıgratsııasynyń múmkindikterin keńeıtýge jol ashsa, Qazaqstan úshin eksportty ártaraptandyrýǵa, ınvestıtsııa tartýǵa jáne tranzıttik áleýetti arttyrýǵa múmkindik beredi.

Sarapshynyń aıtýynsha, EAEO aıasyndaǵy ıntegratsııa Qyrǵyzstanda bıýdjet kiristeri men taýar aınalymynyń ósýine, al Qazaqstanda odaq elderimen saýda jáne ınvestıtsııalyq baılanystardyń nyǵaıýyna yqpal etti. Sonymen qatar, Qyrǵyzstan úshin ulttyq óndiristiń básekege qabilettiligin arttyrý jáne aqsha aýdarymdaryna táýeldilikti azaıtý, Qazaqstan úshin eksport qurylymyn ártaraptandyrý mańyzdy. Farıda Kýrbanzoda EAEO óńirlik ekonomıkalyq damý arhıtektýrasynyń mańyzdy elementi bolyp qala beretinin atap ótti.

Senat basshysy Qazaqstan elshisimen kezdesti – ÓzA

Ózbekstan Olıı Majlıs Senatynyń Tóraǵasy Tanzıla Narbaeva Qazaqstannyń Ózbekstandaǵy Tótenshe jáne ókiletti elshisi Eraly Toǵjanovpen kezdesti. Taraptar ekijaqty jáne kópjaqty yntymaqtastyqty, sonyń ishinde parlamentter arasyndaǵy baılanysty, saıası, saýda-ekonomıkalyq jáne mádenı-gýmanıtarlyq qatynastardy odan ári nyǵaıtý máselelerin talqylady.

Bul týraly «ÓzA» aqparat agenttigi málimdedi. 

Habarlamada aıtylýynsha, kezdesýde Ózbekstan men Qazaqstan arasyndaǵy tatý kórshilik pen baýyrlastyq qatynastardyń eki el basshylarynyń dostyq baılanystary arqasynda qarqyndy damyp kele jatqany atap ótildi. Parlamentter arasyndaǵy yntymaqtastyqty zań shyǵarý, parlamenttik baqylaý, óńirlik keńestermen jumys, Turaqty damý maqsattaryn iske asyrý, sybaılas jemqorlyqqa qarsy kúres jáne genderlik teńdik baǵyttarynda jalǵastyrý qajettigi aıtyldy.

Ózbekstandyq aqparat kóziniń dereginshe, sonymen qatar taraptar Qazaqstandaǵy konstıtýtsııalyq reformalar men parlamenttiń jańa modeli jóninde pikir almasty. Aıta keteıik, Qazaqstanda 2026 jylǵy 1 shildeden bastap kúshine engen jańa Konstıtýtsııaǵa sáıkes Parlament bir palataly Quryltaı túrinde jumys isteıdi. Alǵashqy saılaý 23 tamyzǵa belgilengen.

Sondaı-aq osy aptada «ÓzA»-da «Horezmde ótken dástúrli «Qaýyn festıvali» Gınnestiń rekordtar kitabyna endi» degen taqyryptaǵy aqparat jarııalandy. 

Horezm oblysynyń Hıýa qalasynda dástúrli halyqaralyq «Qaýyn festıvali» ótti. Úsh kúnge sozylǵan shara barysynda qaýynnyń 250-ge jýyq túri jáne odan daıyndalǵan 200-den astam ónim kópshilik nazaryna usynyldy. Festıval aıasynda «Horezm qaýyndary» atty kitap ta jaryq kórdi. 

Festıval qorytyndysy boıynsha Hıýa qalasy bas júldege ıe bolyp, «BYD Song» elektromobılimen marapattaldy. Birinshi orynǵa ıAngıaryq aýdany, ekinshi orynǵa Horezm oblysynyń aýyl sharýashylyǵy basqarmasy laıyq dep tanyldy. Úshinshi oryn Úrgenish memlekettik ýnıversıteti men «UzAuto Motors» kompanııasynyń Horezm oblysyndaǵy fılıalyna berildi.

Halyqaralyq festıval «Álemde eń kóp qaýyn dám tatqan shara» retinde Gınnestiń rekordtar kitabyna endi. Sharanyń jabylýynda jergilikti jáne sheteldik ónerpazdardyń qatysýymen gala-kontsert uıymdastyryldy.

Horezmde ótken dástúrli «Qaýyn festıvali» Gınnestiń rekordtar kitabyna endi

Irannyń Syrtqy ister mınıstriniń kitaby qazaq tilinde jaryq kórdi – ParsToday

Irannyń Syrtqy ister mınıstri Seıed Abbas Araqchıdiń «Kelissóz qudireti» kitaby qazaq tiline aýdarylyp, jaryq kórdi. Aýdarma jumysy Irannyń Qazaqstandaǵy Elshiliginiń Qoǵamdyq dıplomatııa bólimi bastamasymen jáne Tegerandaǵy Qazaqstan Elshiligimen ózara is-qımyl aıasynda júzege asqan, dep jazdy ParsToday aqparat agenttigi.

ParsToday aqparat agenttiginiń málimeti boıynsha, kitapty Tegerandaǵy Qazaqstan Elshiligi basshysynyń orynbasary Bekmurad Haıdar qazaq tiline aýdarǵan. Qazaq tilindegi nusqasy Iran Islam Respýblıkasynyń Syrtqy ister mınıstrliginde basylyp shyqty.

Eńbek Qazaqstannyń joǵary oqý oryndaryndaǵy stýdentterge, sondaı-aq saıasattaný jáne halyqaralyq qatynastar salasyna qyzyǵýshylyq tanytqan oqyrmandarǵa usynylady. Bastamanyń maqsaty – Iran men Qazaqstan arasyndaǵy ózara túsinistikti nyǵaıtyp, mádenı jáne zııatkerlik baılanystardy damytý.

Túrkııada túrik ónerine arnalǵan baıqaýǵa ótinim qabyldaý bastaldy – TRT

Túrkııa Mádenıet jáne týrızm mınıstrliginiń uıymdastyrýymen, «Jańa Túrkııa bilim berý qorynyń» (YETEV) qoldaýymen 23-shi Memlekettik túrik óneri baıqaýy bastaldy. Baıqaý túrik ónerin qoldaýǵa, jańa talanttardy anyqtaýǵa jáne ónerpazdardy dástúrge súıene otyryp, tól týyndylar jasaýǵa yntalandyrýǵa baǵyttalǵan.

Bul týraly osy aptada Túrkııa Radıo Televızııa portaly habarlady.

«TRT»-nyń dereginshe, baıqaý kórkemjazý, túpteý-áldeý, mınıatıýra, ebrý, qysh óneri, qalam óneri jáne katyı' (qaǵaz qııý óneri) boıynsha jeti nomınatsııada ótedi. Qazylar alqasy úzdik dep tanyǵan jumystardan arnaıy kórme uıymdastyrylady.
Ár nomınatsııa boıynsha úzdik úsh týyndynyń avtoryna 80 myń lıradan, al kórmege qoıýǵa laıyq dep tanylǵan 42 týyndy ıesine 25 myń lıradan syıaqy beriledi. Jalpy júlde qory 2 mln 730 myń lıra. Baıqaýǵa ótinimder 20 tamyzdan 15 qazanǵa deıin gorselsanat.ktb.gov.tr saıty arqyly onlaın qabyldanady.