Árbir besinshi túlek mamandyq boıynsha jumys istemeıdi – Máýlen Áshimbaev

ASTANA. KAZINFORM – Kóptegen mamandyqtardyń máni aldaǵy ýaqytta kontseptýaldy túrde úlken ózgeristerge ushyraıdy. Bul týraly «Eńbek adamy – ulttyq ekonomıkanyń ósýi men el órkendeýiniń negizi» taqyrybyna arnalǵan parlamenttik tyńdaýda Senat tóraǵasy Máýlen Áshimbaev málim etti.

Ұшақ апатына қатысты әртүрлі алыпқашпа әңгімелерді таратуға болмайды – Мәулен Әшімбаев
Фото: senate.parlam.kz

- Ózekti máselelerdiń kelesi baǵyty – bilim berý salasynyń eńbek naryǵynyń talaptaryna saı bolýyn qamtamasyz etý. Qazir kásiporyndarǵa bilikti mamandar jetispeı jatqany belgili. Soǵan qaramastan, kóptegen jas kadrlar jumysqa ornalasa almaı júrgeni de jasyryn emes. Tipti, árbir besinshi túlek mamandyq boıynsha jumys istemeıdi. Bul jaǵdaılar kadr daıarlaýdyń qazirgi júıesi ekonomıkanyń naqty sektorynyń zamanaýı syn-qaterleri men suranystaryna tolyq jaýap bermeıtinin kórsetedi. Qazir álem tez ózgerip jatyr. Halyqaralyq valıýta qory tehnologııanyń damýy búkil álemdegi jumys oryndarynyń 40 paıyzyna áser etedi dep boljap otyr. Demek, kóptegen mamandyqtardyń máni aldaǵy ýaqytta kontseptýaldy túrde úlken ózgeristerge ushyraıtyny sózsiz, - dedi M.Áshimbaev.

Onyń paıymynsha, qazir joǵary oqý oryndary men tehnıkalyq jáne kásiptik oqý oryndarynyń baǵdarlamalaryn qaıta qarap, olardy ıkemdi etip, ekonomıkanyń búgingi jáne aldaǵy ýaqyttaǵy qajettilikterine baǵyttaý kerek.

- Osy máselede memlekettiń, bıznestiń, kásiporyndardyń jáne bilim berý mekemeleriniń úılesimdi jumysy erekshe mańyzǵa ıe, - dedi Senat tóraǵasy.

Buǵan deıin Úkimet basshysy Oljas Bektenov elimizdegi kolledj túlekteriniń bilimi men mashyǵy deńgeıi kóbinese jumys berýshilerdiń talaptaryna, jastardyń óz suranystaryna sáıkes kele bermeıtinin aıtty.

Сейчас читают