Arbıtrajdyq sot Galına Vıshnevskaıany jarystarǵa qatystyrmaý týraly sheshimdi joıdy
ASTANA. QazAqparat - Sporttyq arbıtrajdy sot (CAS) qazaqstandyq bıatlonshy Galına Vıshnevskaıanyń apellıatsııalyq shaǵymyn qanaǵattandyrý týraly sheshim qabyldady. Bul týraly QR Ulttyq Olımpıadalyq komıtetinen málim etti, dep habarlaıdy QazAqparat.
«CAS sheshimine sáıkes, Halyqaralyq bıatlonshylar odaǵy Vıshnevskaıany IBU aıasynda ótkiziletin jarystarǵa jiberýge mindetti. Qazaqstandyq bıatlonshy endi barlyq resmı jarystarǵa qatysa alady», - delingen Halyqaralyq bıatlonshylar odaǵynyń (IBU) resmı saıtynda.
2018 jyldyń qarashasynda Galına Vıshnevskaıa Qazaqstan quramasynyń ózge segiz múshesimen birge jarystardan ýaqytsha shettetilgen bolatyn. Aldyn ala sheshim Italııa men Avstrııada ótken qylmystyq zertteýlerge negizdelgen. CAS ázirge óz sheshimin tolyǵymen túsindirgen joq.
Aıta keteıik, taǵy bir otandyq bıatlonshy Darıa Klımınanyń shaǵymyn CAS qanaǵattandyrǵan joq.
