«Árbir úıge - Konstıtýtsııa» sharasy eldiń 50 paıyz halqyn qamtıtyn bolady
dep habarlaıdy QazAqparat.
Onyń aıtýynsha, keń kólemdi aktsııaǵa eldegi jastar uıymdarynyń barlyǵy atsalyspaq.
«Sharanyń basty maqsaty - Qazaqstan halqynyń quqyqtyq sanasynyń deńgeıin kóterý, sonymen qatar búkil elge eleýli mereke Konstıtýtsııamyzdyń, Ata Zańymyzdyń 15 jyldyǵyn atap ótý», deıdi Sh. Baımanov.
QR Konstıtýtsııasynyń 15 jyldyq mereıtoıy qarsańynda jasalyp jatqan aktsııa barysynda jer-jerlerde erikti toptar qurylady. Jastar uıymdarynyń eriktileri adamdarǵa túsindirme jumystar júrgizip, QR Konstıtýtsııasynyń elektrondyq nusqalary jáne Ata Zań jaıynda tanymdyq habaramalar men brashıýralar taratylatyn bolady.
«Shara aıasynda biz halqymyzdyń 50 paıyzyn qamtımyz. Qazirgi ýaqytta volonterlik bazalar jasaqtalýda. Olarǵa eldiń barlyq jastar uıymdary qatystyrylýda», dedi Sh. Baımanov.
Aktsııadan soń Qazaqstannyń Jastar kongresi turǵyndardyń arasynda Konstıtýtsııanyń negizgi qaǵıdattaryna degen bilimderin tekserý úshin, áleýmettik suraýlar júrgizýdi josparlaýda.
Qazaqstannyń Jastar kongresi bunyń aldynda «Zań jáne men» taqyrybynda dóńgelek ústelder men stýdentter men QR Parlamentiniń depýtattarymen kezdesýler ótkizip, «Qazaqstan - quqyqtyq memleket» atty flesh-mob aktsııalaryn uıymdastyrǵan bolatyn.
