Árbir úshinshi qazaqstandyqty SQO ónimimen qamtamasyz ete alamyz – Qumar Aqsaqalov
NUR-SULTAN. QazAqparat – Soltústik Qazaqstan oblysynda jyl basynan beri et óndirisi 4,1% artty. Bul týraly SQO ákimi Qumar Aqsaqalov aıtyp berdi, dep habarlaıdy QazAqparat tilshisi.
«Bıyl qazaqtyń aqbas tuqymdy sıyryna arnalǵan (1000 mal) ferma iske qosylady. 13 myń malǵa arnalǵan eki bordaqylaý alańynyń qurylysy jalǵasýda. Onyń ashylýy kelesi jylǵa josparlanǵan. Byltyr biz et kombınaty men «EMC Agro» JShS iri shoshqa keshenin iske qosý týraly aıtqan edik. Turaqty jumys kásiporynǵa shoshqa keshenin 50-den 100 myń malǵa deıin keńeıtýge múmkindik berdi», - dedi óńir ákimi Ortalyq kommýnıkatsııalar qyzmetinde ótken brıfıngte.
Sondaı-aq, óńirde genetıkalyq ortalyq ashý josparlanǵan. Munyń bári jyl basynan beri et óndirisiniń 4,1% ósýine negiz bolǵan.
«Ósim tek sút pen et óndirisinde baıqalmaıdy. Búginde oblystyń 80-nen astam qaıta óńdeý kásiporny 330 túrli et, sút jáne makaron ónimderin shyǵarady. Sonymen birge, kartop óndirisi bizdiń qajettilikterimizden 11 ese, jumyrtqa - 10 ese, makaron - 9,3 ese, jylqy eti, sıyr eti, qyryqqabat jáne sábiz - 3 ese asady. Biz árbir úshinshi qazaqstandyqty soltústikqazaqstandyq ónimmen qamtamasyz ete alamyz», - deıdi Qumar Aqsaqalov.
