Árbir úshinshi avtobýs tehnıkalyq talaptarǵa sáıkes kelmegen - Bas prokýratýra

ASTANA. QazAqparat - Tekseris barysynda jolaýshylardy zańsyz tasymaldaýdyń eki myńnan astam faktisi anyqtaldy.

Bul týraly búgin QR Bas prokýrory Ashat Daýylbaev málim etti.

«Tıisti qadaǵalaýdyń bolmaýynan jolaýshylar tasymaly naryǵy durys uıymdastyrylmaǵan jáne stıhııalyq jaǵdaıda. Tekseris barysynda jolaýshylardy zańsyz tasymaldaýdyń eki myńnan astam faktisi anyqtaldy. Reıdtik sharalar kezinde toqtatylǵan árbir úshinshi avtobýs tehnıkalyq talaptarǵa sáıkes kelmegen», - dedi ol Bas prokýratýranyń alqa májilisinde.

Onyń sózine qaraǵanda, zańdy tasymaldy júzege asyryp júrgen avtobýstar men shaǵyn avtobýstardyń júrgizýshilerdiń jartysyna jýyǵy Jol qozǵalysy erejesin buzǵandary úshin túrli jaýapkershilikke tartylǵan.

Osy oraıda A. Daýylbaev qoǵamdyq kóliktiń qatysýymen oryn alatyn jol-kólik oqıǵalary qaýipti bolyp tabylatyndyǵyn atap ótti.