Árbir ulttyq jobany iri-iri 10 memlekettik baǵdarlama desek bolady – Qaırat Kelimbetov

NUR-SULTAN. QazAqparat – QR Prezıdenti Jarlyǵymen bekitilgen 10 ulttyq jobany 10 iri memlekettik baǵdarlama desek bolady. Bul jaıynda TALAP.Talks alańynda suqbat bergen QR Strategııalyq josparlaý jáne reformalar agenttiginiń tóraǵasy, «Astana» HQO basqarýshysy Qaırat Kelimbetov aıtty, dep habarlaıdy QazAqparat tilshisi.

«Jalpy, Úkimet úshin de, memleket úshin de 10 ulttyq jospar men biriktirilgen 9 úlken kórsetkish bar. Bul, máselen, ortasha ómir súrý uzaqtyǵyn 75jasqa deıin jetkizý. Búkil el osy baǵytta jumys isteýi qajet. Óıtkeni, onda azamattardyń qaýipsizdigi men densaýlyǵy, kólik qaýipsizdigi qamtylǵan. Onyń tóńireginde óte kóp másele bar», - dedi agenttik basshysy suqbat barysynda.

Sonymen qatar ol atalǵan ulttyq jobalardyń aıasynda kóptegen jańa jumys ornynyń ashylatyndyǵyn aıtady.

«Aıtalyq, qazir 1 mln-nan astam jańa jumys ornyn ashý mindeti júktelip otyr. Qazirgi ýaqytta demografııalyq ósim bar ekendigin jaqsy túsinemiz jáne eńbek naryǵyna jas býyn kóptep kelip jatyr. Bizde el jalqynyń jartysyn Táýelsizdik jastary qurap otyr. Mine,osy demografııalyq ósimge ınfraqurylymdarymyz qaıtadan daıyn bolýy qajet», - dedi Qaırat Kelimbetov.

Agenttik basshysy ulttyq jobalardan týyndaıtyn 9 megaındıkator bolatyndyǵyn alǵa tartady.

«Túptep kelgende árbir ulttyq jobany iri-iri 10 memlekettik baǵdarlama desek bolady», - dedi ol.