Árbir ýchaskelik polıtsııa pýnktin kompıýtermen tolyq qamtamasyz etetin ýaqyt jetti - QR ІІM
ASTANA. QazAqparat - Qazaqstandaǵy árbir ýchaskelik polıtsııa pýnktin kompıýtermen qamtamasyz etilýi kerek. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda Іshki ister mınıstri Qalmuhanbet Qasymov málim etti.
«Qylmyspen kúrestegi eń basty baǵyt - aldyn alý. Sondyqtan da, elimizdiń árbir óńirinde qylmystyń aldyn alýdyń tıimdi júıesi bolýy kerek, qylmystyń aldyn alýdyń ońtaıly úlgisi kerek. Bul jumysta áli de bolsa jergilikti atqarýshy organdardyń, qoǵamnyń áleýetteri tolyq qamtylmaı otyr, halyqqa qajetti tirek te durys qalyptaspaǵan. Aıta keterligi, keıbir óńirlerde qylmystyń aldyn alýǵa qajetti materıaldyq-tehnıkalyq baza jetkilikti deńgeıde emes, ásirese aýyldyq jerlerdegi ýchaskelik ınspektorlardyń áleýmettik qamtylýyna da jaǵdaı tıisti deńgeıde jasalmaǵan», dedi mınıstr Q. Qasymov.
Mınıstrdiń aıtýynsha, respýblıka boıynsha 2700 ýchaskelik pýnkt bolsa, onyń teń jarymyna jýyǵy jóndeýdi qajet etedi. Qosymsha jańadan 430 jańa ýchaskelip poltsııa pýnktteri salynýy qajet.
«Qazirgi tańda árbir ýchaskelik pýnktti kompıýtermen qamtamasyz etip, olardy Іshki ister mınıstrliginiń aqparattyq bazasyna qoljetkizimdiligin qamtamasyz etetin kez jetti. Ókinishke qaraı, qazirgi kúni ýchaskelik pýnktterdiń tek 38 paıyzynyń ǵana bizdiń ortaq bazamyzǵa qoljetimdiligi bar», - dedi mınıstr.
