Árbir tórtinshi qazaqstandyq shaǵyn jáne orta bızneste jumys isteıdi
ALMATY. QazAqparat - Qazaqstanda bıyl shaǵyn jáne orta bıznes sýbektileriniń sany 10-2%-ǵa artyp, 1,31 trln boldy, dep habarlaıdy QazAqparat tilshisi Ranking aqparattyq resýrsyna silteme jasap.
Sonymen qatar, jeke kásipkerlik sany jylyna 10,5%-ǵa, zańdy tulǵa mártebesi bar shaǵyn kompanııalar sany 11,9%-ǵa artty.
Ótken jyldyń sońǵy toqsanyndaǵy statıstıkaǵa sáıkes, ShOB salasynda 3,27 mln adam eńbek etedi. Bul - eldegi jumys jasap jatqan halyqtyń 37,5%.
Atalǵan sektorda ónim kólemi 26,5 trln teńgege jetti. Respýblıkanyń jalpy ishki óniminde ShOB sýbektileriniń mańyzy artyp keledi.
Mamandardyń aıtýynsha, atalǵan salanyń qarqyndy damýy úshin tıimdi nesıe baǵdarlamasy kerek. Alaıda, ShOB-qa nesıe berý kórsetkishi tómendep keledi. Bıyl mamyr aıynda osy salaǵa 2,22 trln teńge nesıe berilgen. Bul ótken jylmen salystyrǵanda 19,7%-ǵa tómen.
