Árbir shaǵym jan-jaqty qaralady - Aıda Balaeva
NUR-SULTAN. QazAqparat – QR Prezıdentiniń kómekshisi — QR Prezıdenti Ákimshiligi ótinishterdi qaraýdy baqylaý bóliminiń meńgerýshisi Aıda Balaeva Facebook paraqshasynda azamattardy jeke máseleleri boıynsha qabyldaý qashan júrgiziletinin jazdy, dep habarlaıdy QazAqparat tilshisi.
«Bizdiń bólim árbir ótinishti baqylaý men sapaly pysyqtaýdy júzege asyrady. Jeke qabyldaý problemalardy kelýshiniń óz aýyzynan estýge, onyń tórkinine tereń boılap, túsinýge múmkindik beredi. Degenmen, qabyldaý aıaqtalǵannan keıin barlyq jaǵdaı tyńǵylyqty saraptalady, ár máseleni sheshýdiń ádisi ázirlenedi. Oryn alǵan jaǵdaı talap etetin bolsa, beıindi organdar ókilderinen jumys toby qurylady. Bir qabyldaý kúninde biz kóbinde júzden astam adamdy qabyldaımyz. Alaıda, másele qabyldanǵan adamdardyń sanynda emes, bizdiń olarǵa kórsetetin kómegimizdiń deńgeıinde. Barlyq júginýshilerdiń problemalaryn qaraý úshin bólimge ýaqyt qajet ekenn túsingen jón. Qabyldaý – bul aısbergtiń ushy ǵana, jumystyń negizgi aýqymdy bóligi kórinbeıdi», - dedi ol.
Onyń atap ótýinshe, kelesi jyldyń qańtaryndaǵy kelesi qabyldaýǵa deıin ótinishterdi qaraýdy baqylaý bólimi jınaqtalyp qalǵan ótinishterdi saraptaýmen jáne olardy sheshýdiń joldaryn izdeýmen aınalysady.
«Buǵan qosa, bizde qazirgi sot isterine aralasaýǵa quqyqtyq quziret joq ekenin taǵy bir eske salǵym keledi. Ákimdikter men mınıstrlikterge túsip jatatyn máselelerdi sheshý úshin zańdy tetikterdi qosýǵa múmkindik beretin zańdy negiz bolsa, onda biz mindetti túrde sońyna deıin anyqtaımyz», - dedi Aıda Balaeva.
Foto: www.facebook.com/Aida Balayeva
