Árbir otandasymyzdyń densaýlyǵy memleket úshin - eń basty baılyq, negizgi qundylyq - Prezıdent N Nazarbaev
ASTANA. 3 qyrkúıek. QazAqparat - Árbir otandasymyzdyń densaýlyǵy memleket úshin - eń basty baılyq, negizgi qundylyq.
Búgin 5-shi shaqyrylǵan Parlamenttiń ekinshi sessııasyn ashý barysynda sóz sóılegen Memleket basshysy Nursultan Nazarbaev osylaı málimdedi.
«Meniń tapsyrmam boıynsha elimizde ulttyq skrınıng baǵdarlamasy oryndalýda. Onda kúrdeli aýrýlardy naýqastyń alǵashqy satysynda anyqtaýǵa múmkindik jasalady. Kúlli elimiz boıynsha jańa emdeý oryndary men mektepterdiń qurylysy jalǵasyn tabýda. Osynyń barlyǵy meniń tapsyrmam boıynsha Úkimettiń atqaryp jatqan jumysynyń naqty nátıjeleri bolyp tabylady», - dedi Memleket basshysy.
Sonymen qatar, Prezıdent osy qarqynnan tynbaý qajettigin basa aıtty.
