Árbir onynshy qazaqstandyq úshin ınternet qoljetimsiz – depýtat
«Qazaqstandaǵy tsıfrlandyrýdyń negizi – jańa tsıfrlyq tehnologııalardy qoldaný arqyly el ómiriniń barlyq salalaryn tsıfrlyq túrlendirýdi jedeldetýge múmkindik beretin «Tsıfrlyq Qazaqstan» baǵdarlamasy. Osy baǵdarlamanyń bes baǵytynyń úshten biri – ınternetke joǵary jyldamdyqty jáne qaýipsiz qoljetimdilikti, Qazaqstan Respýblıkasy aýmaǵyn sapaly mobıldi qamtýǵa baǵyttalǵan. Bul mindet 10,4 mln adamdy qamtıtyn 88 qala men 29 aýylda oryndaldy dep senimdi túrde aıtsaq ta, eldi mekenderge qatysty bulaı aıta almaımyz», - dedi Maıra Aısına «Aýyldyq eldi mekenderde ınternetke qoljetimdilikti qamtamasyz etý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasyn talqylaýǵa arnalǵan Ádilet mınıstrligindegi vedomstvoaralyq komıssııada.
Onyń aıtýynsha, osy jyldyń sońyna deıin 250 jáne odan kóp adam turatyn 880 aýylǵa ınternet qosylady.
«Qazirgi bar nársege qol jetkizý úshin shırek ǵasyr ketti. Búgingi tańdaǵy memlekettiń mindeti – ІT tehnologııasynyń qaı jerde turatynyna qaramastan barlyq qazaqstandyqqa qoljetimdi bolýy. Osy yrǵaqpen júre bersek, buǵan qansha ýaqyt ketetinin boljap aıtý qıyn. Endigi mindet – osy jyldyń sońyna deıin 250 jáne odan kóp adam turatyn 880 aýylǵa ınternet qosý, al 2022 jyldyń sońyna deıin 50 jáne odan kóp turǵyny bar 885 aýylǵa ınternet qosý», - deıdi depýtat.
Demek, eki jyl ishinde 5089 aýylda turatyn halyqtyń 97%-y ınternetpen qamtylady.
«Osyǵan baılanysty aýyldyq jerlerde ınternetke qosylýdy qamtamasyz etý boıynsha zań jobasy qabyldaý týraly bastama kóterildi. Aýyldyq jerlerde ınternetke qoljetimdiliktiń ulǵaıýy barlyq azamattarymyzdyń búkil qyzmet túrlerin alý quqyǵyn qamtamasyz etedi», - obıasnıla M. Aısına.
Sondaı-aq, ol 720 memlekettik qyzmettiń 80%-y elektrondy formatta qoljetimdi ekenin aıtty.
«Bul múmkindikti paıdalaný úshin ınternet qoljetimdi bolýy kerek. Árbir onynshy qazaqstyndyqta bul múmkindik joq», - deıdi ol.
