Árbir onynshy qazaqstandyq oqýshy baǵdarlamalaý tilin meńgergen
«Kod saǵaty» aktsııasy – 180 memleketti qamtıtyn halyqaralyq shara. Qazaqstanda besinshi jyl qatarynan ótýde. Eń alǵashqy ashyq sabaqqa elimizden 75 myńǵa jýyq oqýshy qatyssa, ótken jylǵy qatysýshylar sany 355 myńǵa jetti.
«ıAǵnı, árbir onynshy qazaqstandyq oqýshy atalǵan sharaǵa qatysyp, baǵdarlamalaý jáne aqparattyq tehnologııalar trendine qatysty bilimderin tolyqtyrdy dep aıtsa bolady. Qazir álemdik deńgeıdegi Microsoft, Google sııaqty alpaýyt kompanııalar kishkentaı balalar men eresekterge deıin baǵdarlamalaý tilin úıretýde. Kún saıyn kóptegen gadjet, smartfondardy paıdalanamyz. Onyń bári baǵdarlamalaý tili jáne jasandy ıntellektpen jasalyp jatyr. QR Tuńǵysh Prezıdenti - Elbasy qory da osyndaı bastamany qoldaý arqyly bolashaqta qajetti mamandardy qazirden daıyndaýǵa, «Tsıfrlyq Qazaqstan» memlekettik baǵdarlamasyn júzege asyrýǵa úles qosýda. Biz stýdent kezden bastap qana programmıst bolý kerek degen shekteýdi joqsha shyǵaryp otyrmyz. Oqýshy kezden bastap baǵdarlamalaýdy úırenip, mobıldik qosymsha jasap, tipti tabys tabýǵa bolatynyn kórsete alamyz», - deıdi QR Tuńǵysh Prezıdenti - Elbasy qorynyń atqarýshy dırektorynyń orynbasary Álkeı Marǵulan.
Sharaǵa 10-15 jas aralyǵyndaǵy oqýshylar qatysýda.
«Bul ashyq sabaq besinshi jyl uıymdastyrylyp otyr. Dál qazirgi ýaqytta shara Qazaqstannyń barlyq aımaǵyndaǵy iri qalalar men aýdan, aýyldarda ótip jatyr. Biz tapsyrmalardy kompıýter men ınterneti bar, kompıýteri - bar, al ınterneti - joq nemese kompıýter bazasy az jaǵdaılardy eskere otyryp daıyndaımyz. Maqsatymyz – balalardy baǵdarlamalaýdy qyzyqty túrde, oıyn mehanıkasy arqyly úıretý. Ádette, mektepte baǵdarlamalaýdy úırengen kezde oqýshylar úshin qyzyqty bolmaıdy. Biz shyn máninde olaı emes ekenin dáleldep, oqýshylardy shabyttandyrǵymyz keledi. Osy jerde ótip jatqan sharaǵa júzge jýyq oqýshy qatysýda», - deıdi Qazaqstandaǵy «Kod saǵaty» ashyq sabaǵyn uıymdastyrýshy Alena Tkachenko.
