Árbir óńirde halyqtar dostyǵyna arnalǵan saıabaqtar ashýǵa bolady - Memleket basshysy

NUR-SULTAN. QazAqparat – Árbir óńirde halyqtar dostyǵyna arnalǵan saıabaqtar ashýǵa bolady. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Bizde orman-toǵaı az. Belgili nárse. Sol sebepti men elimiz boıynsha 2 mlrd tal egý týraly bastama kóterdim. Buǵan qosa, eldi mekenderge 15 mln kóshet otyrǵyzý qajettigin aıttym. Assambleıanyń belsendi jastary osy ıdeıany júzege asyrýǵa atsalysady dep senemin. Árbir óńirde halyqtar dostyǵyna arnalǵan saıabaqtar ashýǵa bolady», - dedi Qasym-Jomart Toqaev.

QR Prezıdentiniń atap ótýinshe, búkil álemge ózimizdi tabıǵatqa qamqorlyqpen qaraıtyn, bolashaq urpaqtyń qaýipsiz ári jaıly bolýyna jaǵdaı jasaıtyn ult retinde tanytýymyz qajet.