Árbir óńirde alǵashqy medıtsınalyq kómek ortalyqtary qurylady - mınıstr Birtanov
«Qaryz somasy 80 mln AQSh dollaryn quraıdy. Qazaqstan Respýblıkasynyń birlesip qarjylandyrý kólemi 10 mln dollar. Qaryz sanaty - ınstıtýtsıonaldyq, syıaqy mólsherlemesi - 2,03 paıyz. Óteý merzimi 5 jyldyq jeńildik kezeńin qosa alǵanda 15 jyldy quraıdy. Qaryzdyń aıaqtalý kúni 2021 jylǵy 30 maýsym. Jobanyń maqsaty densaýlyq saqtaý qyzmetin kórsetý júıesiniń qoljetimdiligin, sapasyn jáne ekonomıkalyq tıimdiligin arttyrý bolyp sanalady. Sonymen qatar halyq úshin qarjylyq táýekelderdi tómendetý de kózdelgen»,- dedi zań jobasyn tanystyrǵan elimizdiń Densaýlyq saqtaý mınıstri Eljan Birtanov.
Onyń aıtýynsha, joba úsh komponentten turady. Birinshi komponent ulttyq mindetti medıtsınalyq saqtandyrý júıesin engizýdi qoldaý. Bul komponentti iske asyrýǵa 14,68 mln dollar kózdelgen. Halyqaralyq tájirıbeniń negizinde bul komponenttiń aıasynda mindetti áleýmettik saqtandyrý qoryna ınstıtýtsonaldy kómek kórsetiletin bolady. Tegin medıtsınalyq kómektiń kepildik berilgen kólemi men saqtandyrý paketiniń aıasynda medıtsınalyq kómektiń kólemderi aıqyndalady. Medıtsınalyq saqtandyrý qorynyń aqparattyq júıelerin elektrondy densaýlyq saqtaý júıesimen jáne basqa da vedomstvolarmen yqpaldastyrý júrgiziledi. Medıtsınalyq qyzmetterdiń tarıf qory júıesi jetildiriledi jáne kórsetilgen medıtsınalyq qyzmetterdiń sapasy men kólemderin baqylaý tetikteri engiziledi.
«Densaýlyq saqtaý uıymy jelisin damytý» dep atalatyn komponentke 14,23 mln AQSh dollary kózdelgen. Bul komponenttiń birneshe mańyzdy maqsattarynyń ishinde qoǵamdyq densaýlyq saqtaýdyń 10 jedel fýnktsııasyn iske asyrý úshin qoǵamdyq densaýlyq saqtaý qyzmetin qalyptastyrý jáne nyǵaıtý, eldiń árbir óńirinde alǵashqy medıtsınalyq kómektiń 16 úzdik tájirıbe ortalyǵyn qurý, jaraqtandyrý jáne mamandardy halyqaralyq talaptarǵa sáıkes oqytý, statsıonarlyq jáne ambýlatorlyq jelini damytý jáne memlekettik-jekemenshik áriptestik jobalardy iske asyrý qarastyrylǵan», - dedi ol.
Mınıstrdiń aıtýynsha, densaýlyq saqtaý qyzmetteriniń sapasyn basqarý komponentine 16,6 mln. AQSh dollary qarastyrylady. Oǵan joba aıasynda shamamen 600 medıtsınalyq uıym klınıkalyq hattamalardyń usynystaryna sáıkes medıtsınalyq jabdyqtarmen jáne medıtsınalyq maqsattaǵy buıymdarmen tolyqtaı jaraqtandyrylatyn bolady.