Árbir on sekýnd saıyn ókpe aýrýynan bir adam qaıtys bolady
ASTANA. 14 qarasha. QazAqparat - Sońǵy on jyldyń ishinde Qazaqstanda ókpe aýrýyna shaldyqqandardyń sany eki ese ósti. Bul týraly Astanadaǵy baspasóz máslıhatynda QR Densaýlyq saqtaý mınıstrliginiń bas pýlmanology, medıtsına ǵylymdarynyń doktory Irına Kozlova málim etti.
«Ótken jyly bul kórsetkish 100 myń halyqqa 321 adamdy qurady. Endi, salystyrmaly túrde qaraıtyn bolsaq, qant dıabetine shaldyqqandardyń sany 100 myń halyqqa 158 adam bolyp otyr. Demek, bul ókpe aýrýyna shaldyqqandardyń eki ese óskendigin kórsetse kerek», - deıdi I.Kozlova. Mamannyń habarlaýynsha, búginde álem boıynsha ókpe aýrýyna shaldyqqandardyń sany 210 mln. adamǵa jetti. Odan árbir on sekýnd saıyn bir adam qaıtys bolady. Bul aýrýdy boldyrmaýdyń bir joly - temeki shegýdi barynsha qysqartý.
