Árbir naýqasqa qandaı dári-dármek berilgenin kórip turamyz - Eljan Birtanov
«Salada tsıfrlandyrýdy barynsha tereń júrgizýge mán berilip otyr. Ótken jyldan beri bul baǵyttaǵy jumystarǵa belsendi túrde kiristik. Bıyl qujat aınalymyn qaǵazben júrgizýden shyǵyp jatyrmyz, barlyq óńirler bul úrdiske qosyldy. Jyl sońyna deıin túgel emhanalar men aýrýhanalar qaǵazsyz qujat aınalymyna kóshedi. Bárinen buryn, naýqastyń syrtqatnama málimetterin júrgizýge qatysty bolyp otyr. Osy oraıda naýqastyń jaǵdaıy, dárigerlerdiń dári-dármekti taǵaıyndaýy, zerthanalyq analızder mindetti tirkelep, júıede saqtalady. Sáıkesinshe, qandaı da bir qajet emes dárilerdi joıýǵa jol berilmeıdi», - dedi vedomstvo basshysy.
Mınıstrdiń sózine qaraǵanda, bul baǵyttaǵy jumystar barysynda qajettiligi joq dári-dármektiń eleýli qory anyqtalǵan. Preparattar erterekte salyp alynǵanymen, esepten shyǵarylyp otyrǵan. «Bul dárilerdiń qaıda baǵyttalyp jatqanyn bilmeıtinbiz. ıAǵnı, bul dáriler naýqastarǵa tikeleı baılanbaǵan. Tsıfrlandyrý ataýlandyrylǵan esepti beredi jáne ár naýqasqa qandaı dári jazylǵanyn kóremiz. Jalpy, tsıfrlandyrý arqyly em qabyldaýshylar men dári-dármek jaıynda aıqyn málimetterdi alyp, medıtsınalyq qyzmetterdiń sapasyn qamtamasyz ete alamyz», - dedi E. Birtanov.
Budan buryn habarlanǵandaı, búgin QR Densaýlyq saqtaý mınıstrligi men QR Memlekettik qyzmet isteri jáne sybaılas jemqorlyqqa qarsy is-qımyl agenttigi ózara yntymaqtastyq týraly memorandýmǵa qol qoıdy. Qujat aıasynda qatardaǵy medıtsına qyzmetkerleriniń kórsetken medıtsınalyq qyzmetteri úshin materıaldyq jáne materıaldyq emes alǵystar alý dástúrin joıý boıynsha sharalar qabyldanatyn bolady.