Árbir mınıstrlik elimizde ne bolyp jatqanynan habardar bolyp otyrýy tıis - G. Qaraǵusova
ASTANA. 11 qarasha. QazAqparat - Árbir mınıstrlik elimizde ne bolyp jatqanynan habardar bolyp otyrýy tıis. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhaty barysynda QR Parlamenti Májilisi, Qarjy jáne bıýdjet komıtetiniń tóraıymy, depýtat Gúljan Qaraǵusova osylaı málimdedi.
Depýtattyń paıymynsha, Úkimet - bul birtutas organ. «Sondyqtan da, Eńbek jáne halyqty áleýmettik qorǵaý mınıstrligi basqa mınıstrlikten bóle-jara jumys isteı almaıdy. Al ol úshin árbir mınıstrlik elimizde ne bolyp jatqandyǵynan habardar bolýy kerek. Álbette, keıbir artyq býyndar alyp tastalýy múmkin, degenmen bul - úkimettik reglament. Sonymen qosa, jańa bıýdjettik saıasat boıynsha eń aqyr aıaǵy túpki nátıje ne ekenin aıqyndaýǵa jáne qarajatty tıimdi paıdalanýdyń ne ekenin naqty túsinýge tapsyrma júkteldi emes pe?» - dedi G. Qaraǵusova.
