Árbir klınıka aýyr jaǵdaıdaǵy naýqastardy shuǵyl qabyldaýy tıis - mınıstrlik
«Nelikten Denıs Tendi jaqynda ornalasqan aýrýhanaǵa jetkizbedi?» degen suraqtar týyndaýda... Jaqynda turǵan aýrýhana osy jaǵdaıdaǵy naýqastardy qabyldaýǵa daıyn bolmady. Sondyqtan árbir klınıkada jedel járdemdi damytý kerek. Sonymen qatar qalalar kartasyn aıqyndap, jedel járdemniń jetý ýaqytyn barynsha azaıtyp, aýyr jaǵdaıdaǵy naýqastardy shuǵyl túrde qabyldaýda klınıkalardyń daıarlyǵyn qamtamasyz etý qajet», - dedi vıtse-mınıstr Densaýlyq saqtaý mınıstrliginiń alqa májilisinde.
Budan buryn ol aýyr jaraqat alǵan Denıs Ten nelikten Ortalyq qalalyq klınıkalyq aýrýhanaǵa jetkizilgenin túsindirdi.
Aıta keteıik, belgili qazaqstandyq mánerlep syrǵanaýshy Denıs Ten pyshaqtan alǵan jaraqatymen aýrýhanaǵa 19 shilde kúni tús kezinde jetkizildi.
Almaty qalalyq ІІD-niń málimetteri boıynsha, belgisiz bireýler sportshynyń kóliginiń aınasyn urlamaq bolǵan.
Oqıǵanyń ústinen túsken sportshyny urylar jambasynan jaraqattaǵan. Sportshy 3 lıtr qan joǵaltqan.
Dárigerler onyń jaǵdaıyn óte aýyr dep baǵalady. Keshirek QR Densaýlyq saqtaý mınıstrliginiń baspasóz hatshysy Ernar Ákimqulov sportshynyń qaza bolǵandyǵyn jarııalady.
Búgin QR Іshki ister mınıstrligi Denıs Tenniń ólimine kúdiktilerdiń biriniń ustalǵanyn jarııa etti.
Sondaı-aq prokýratýra ókilderi ustalǵan kúdiktiniń qylmys jasaǵanyn moıyndaǵanyn jarııalady.