Árbir qazaqtyń táýelsiz memleketti damytýǵa kúsh qosýy - onyń qasıetti paryzy bolýy tıis - Á. Kekilbaev
ASTANA. Jeltoqsannyń 5-i. QazAqparat /Qanat Mámetqazyuly/ - Árbir qazaqtyń táýelsiz memleketti damytýǵa kúsh qosýy - onyń qasıetti paryzy bolýy tıis. Qazaqstan Prezıdenti Nursultan Nazarbaevtyń qolynan «Qazaqstannyń Eńbek Eri» qurmetti ataǵyn alǵan belgili jazýshy, qoǵam qaıratkeri, QR Parlamenti Senatynyń depýtaty Ábish Kekilbaev osylaı dedi,
dep habarlaıdy QazAqparat.
«Búgingi keshte kórsetken peıil, yqylasyńyzdy Alla qabyl kórsin. Jurt aldynda az-kem eńbegimdi kópteı kórip, asa joǵary baǵaladyńyz. «Qazaqstannyń Eńbek Eri» ataǵyn berip, omyraýyma qadadyńyz. Bul asa zor baǵa, bıik qurmettiń basqa memleketterde qadiri azaıyp, qasıeti kemip jatqanda bizdiń elimizde burynǵysynsha ardaqtalyp, quptalýda. Bul úshin týǵan elimniń aldynda sheksiz qaryzdarmyn», dedi Á. Kekilbaev.
Sóz arasynda jazýshy elimizdiń mádenıetin marqaıtatyn shuraıly shyǵarmalardyń áli alda ekendigin aıty.
«Men bundaı joǵarǵy ataqty kútpegen edim. Elbasymyz N. Nazarbaev men týraly óte jaqsy sózderdi kóp aıtty. Degenmen, men árbir qazaqtyń táýelsiz memleketti damytýǵa kúsh qosýyn - qasıetti paryz sanaımyn», dedi Á. Kekilbaev.
