Árbir qazaqstandyq elimiz qol jetkizip otyrǵan jetistikterge óziniń de qatystylyǵyn sezinýi kerek - N.Nazarbaev
ASTANA. Qazannyń 19-y. QazAqparat - Árbir qazaqstandyq elimiz qol jetkizip otyrǵan jetistikterge óziniń de qatystylyǵyn sezinýi kerek. Bul týraly Elbasy N.Nazarbaev aımaq ákimderimen bolǵan jumys keńesinde málim etti.
Keńes barysynda Prezıdent sondaı-aq jaqyn arada Qazaqstanda birqatar mańyzdy sharalar ótetinin, onyń ishinde EQYU sammıti, VII qysqy Azııalyq oıyndar sııaqty sharalardyń bar ekenin aıtyp ótti. Oǵan qosa, kelesi jyly qazaqstandyqtar el Táýelsizdiginiń 20 jyldyǵyn atap ótkeli otyr.
«Árbir qazaqstandyq elimiz qol jetkizip otyrǵan jetistikterge óziniń de qatystylyǵyn sezinýi kerek. Aımaqtarda osynaý ataýly oqıǵalardy keńinen nasıhattaýǵa zor mańyz berýdi qamtamasyz etý qajet», - dep atap kórsetti Elbasy óz sózinde.
