Árbir qazaqstandyq Ata zańymyzdy syılap, qurmetteı bilse ǵoı

ASTANA. QazAqparat - 1995 jyly 30 tamyzda eldiń jańa Konstıtýtsııasyn qabyldaý jóninde búkilhalyqtyq referendým ótip, oǵan saılaýshylardyń 90,58 paıyzy qatysty. Olardyń 89,14 paıyzy jańa Konstıtýtsııanyń qabyldanýyn qoldady. Konstıtýtsııa barlyq qazaqstandyqtardyń oı-pikirin esepke ala otyryp jasalǵan quqyqtyq-saıası qujat boldy. Óıtkeni, Konstıtýtsııany qalyptastyrýǵa qalyń qazaqstandyq jurtshylyq tikeleı qatysa otyryp, respýblıkalyq referendýmda qabyldandy. Bul úderis Ata Zańǵa erekshe ústem kúsh berip, onyń áleýetin arttyrady.

Osylaısha, dúnıege kelgen Konstıtýtsııa táýelsiz memleket retinde damýymyzǵa dańǵyl bolyp, eldiń betke alǵan baǵdarynyń tutastaı bóligin qamtyp otyr dese de bolady. Alaıda, zaman aǵymyna qaraı Negizgi zańymyzdyń ózgeriske ushyraýyn da eshkim joqqa shyǵara almasy anyq. Degenmen, qazirgi hám ómir boıǵy basty mindetimiz - Qazaqstan Táýelsizdiginiń tiregine aınalǵan Konstıtýtsııany qatań ustaný. ıAǵnı, basty talap - Ata Zańymyz, Konstıtýtsııany qurmettep qorǵaý, al onyń mańyzdylyǵyn joǵaltpaı saqtaý respýblıkamyzdyń árbir azamatynyń mindeti men paryzy bolýy tıis.

Ekinshiden, qoldanystaǵy Konstıtýtsııa respýblıka ómirinde ekonomıkalyq qana emes, saıası ózgeristerge de jol ashty. Qos palataly kásibı Parlamenttiń jasaqtalýy da sonyń jarqyn aıǵaǵy. Túıindeı aıtsaq, 1995 jyly qabyldanǵan Ata Zań memlekettiń shuǵyl betburysyn qamtamasyz etip, Qazaqstannyń qazirgi jetken jetistikteriniń birden-bir kepili bola aldy. Ony dáleldep jatýdyń ózi de artyǵyraq.

Sosyn bul Konstıtýtsııa memlekettik bıliktiń birtutastyǵyn bekite otyryp, ony shashyrańqy kúıden, birtutas, jumylǵan judyryqtaı júıege aınaldyrdy. Memlekettik bılik organdarynyń halyq aldyndaǵy jaýapkershiligin kúsheıtti. Halyq pen memlekettiń arasyndaǵy kommýnıkatıvtik kúshke aınaldy.

Álbette, Konstıtýtsııanyń qoǵam ómirindegi, elimizdiń tarıhyndaǵy orny bólek. Bıyl el bolyp jıyrma jyldyǵyn atap ótip otyrǵan bizdiń Ata Zańymyz óz ómirsheńdigin kórsetti. Konstıtýtsııa qaǵıdattaryna sáıkes, elimizdiń demokratııalyq jolmen damý baǵyty aıqyndaldy. Quqyqtyq memleket qalyptastyrý qaǵıdalary qoǵamda jáne azamattardyń sanasynda túpkilikti bekitilip, óz jemisin berýde. Eń bastysy, Qazaq elinde keıbir kórshilerimizdegideı, «erteńimiz qalaı bolady» degen úreı joq, arab elderindegideı tyǵyryqqa tireltetin daǵdarystardan da aýlaqpyz. Al ondaı daǵdarystar týyndaýynyń bir negizi konstıtýtsııalyq qaıshylyqtardan, damý baǵytyn aıqyndaýdyń olqylyǵynan týyndap jatqany da belgili bolyp jatyr. Kerisinshe, qazaq dalasynda orta qol sharýasyn aınaldyrǵan halyqtyń aqjarqyn júzi men erteńge degen senimin baıqaımyz. Osynyń bári qoldanystaǵy Ata Zańdy arqaý ete otyryp, onyń erejelerinen esh aýytqymaı, elge, halyqqa qyzmet etip otyrǵan Tuńǵysh Prezıdent - Elbasynyń sabyrly konstıtýtsııalyq saıasatynyń arqasy. Eń bastysy, Qazaqstan memlekettiginiń nyǵaıýyna, elimizdiń damýyna, halqymyzdyń ósip-órkendeýine negiz qalap bergen Konstıtýtsııa Táýelsizdigimizdi tuǵyrly etýge de áleýetti ekenin tanytyp otyr. Endeshe, árbir qazaqstandyq Ata Zańymyzdy syılap, qurmetteı bilse, sol ıgi!