Árbir ekonomıkalyq kórsetkishtiń artynda qarapaıym halyqtyń ál-aýqaty turýy kerek - Prezıdent
PAVLODAR. QazAqparat - Memleket basshysy qazaqstandyqtardyń ál-aýqaty - Úkimet pen árbir ákimniń jumysyndaǵy basty maqsat pen negizgi basymdyq bolýy kerektigin atap ótti, dep habarlaıdy QazAqparat tilshisi.
«Oblystyń óndiristik áleýetin nyǵaıtýǵa alıýmınıı klasteri men «Pavlodar» erkin ekonomıkalyq aımaǵy aıtarlyqtaı úles qosýda. Olardyń qyzmeti óńirdegi eksporttyq múmkindikterdi nyǵaıtýǵa baǵyttalǵan», - dep málimdedi búgin Qazaqstan Prezıdenti Qasym-Jomart Toqaev «Qazaqstan elektrolız zaýyty» AQ-nyń Pavlodar oblystyq ardagerleri men eńbek ujymy ókilderimen kezdesýde.
Onyń sózinshe, búginde munda úsh jańa ındýstrııalyq aımaq salynyp jatyr.
«Munyń barlyǵy Pavlodar oblysynyń ulttyq ekonomıkanyń básekege qabilettiligin arttyrýǵa asa zor úles qosýyna múmkindik berip otyr. Sondaı-aq, árbir ekonomıkalyq kórsetkishtiń artynda, eń aldymen, qarapaıym adamdardyń ál-aýqaty turýy tıis. Bul - Úkimet pen árbir ákimniń jumysyndaǵy basty maqsat pen negizgi basymdyq bolýy kerek», - dep atap ótti Qazaqstan Prezıdenti Pavlodar oblysya saparynda.
Avtor: Anton Gagarın
