Árbir ekinshi sheteldik týrıst Almatyǵa keledi
Elimizdegi týrızmdi damytýdyń strategııalyq basymdyqtary QR týrızm ındýstrııasyn damytýdyń 2019-2025 jyldarǵa arnalǵan memlekettik baǵdarlamasynda kórsetilgen. Onyń aıasynda Almatyda taý klasterin damytý bar.
Qalanyń týrızm basqarmasy atap ótkendeı, megapolıstegi epıdemıologııalyq jaǵdaıǵa deıin týrısterdiń jyl saıyn ósýiniń oń dınamıkasy bolǵan.
«Árbir ekinshi sheteldik týrıst Almatyǵa keldi. Sońǵy 5 jylda sheteldik týrıster sany 301 myńnan 435,6 myń adamǵa deıin 1,4 esege ósti. Al ishki týrıster sany 2,1 ese 420 myńnan 898 myńǵa deıin. Sonymen birge týrısterdiń jalpy sany 85% -ǵa ósti. Ortasha jyldyq ósý qarqyny 10-12% aralyǵynda boldy «, - deıdi basqarmadaǵylar.
Alaıda, 2020 jyly týrızm ındýstrııasy koronavırýs pandemııasynan kóp zardap shekken salalarynyń biri boldy.
«Almatyǵa 2020 jyldyń 11 aıynda 152,7 myń sheteldik týrıst keldi. Bul ótken jylmen salystyrǵanda 72,5% -ǵa az. Іshki týrısterdiń sany 422 myń adamdy qurady «, - dep atap ótti týrızm basqarmasy.
Sarapshylardyń pikirinshe 2021 jyly Almatyda syrtqy jáne ishki týrısterdiń sany 25% artady.
«Epıdemıologııalyq jaǵdaı jaqsarsa, bıyl Almatyǵa 1 mıllıon týrıst keledi dep kútilýde. Al 2024 jylǵa qaraı 2019 jyldyń deńgeıine jetkizý josparda (1,3 mln adam)», - dep tolyqtyrdy basqarmadaǵylar.
