Árbir ekinshi múgedek jumysqa turdy - mınıstr T.Dúısenova

ASTANA. 21 qarasha. QazAqparat - Búginde árbir ekinshi múgedek jumysqa ornalasty. Búgin QR Prezıdenti janyndaǵy Adam quqyqtary jónindegi komıssııanyń keńeıtilgen májilisinde QR Eńbek jáne halyqty áleýmettik qorǵaý mınıstri Tamara Dúısenova osylaı aıtty.

Mınıstrdiń aıtýynsha, qazirgi kezde múgedekterdi jumysqa ornalastyrý sharalary «Jumyspen qamtýdyń jol kartasy - 2020» memlekettik baǵdarlamasy aıasynda atqarylady. «Sondyqtan osy ýaqytqa deıin jumysqa turý boıynsha ótinish bildirgen árbir ekinshi múgedek jumysqa turǵyzyldy», - deıdi T.Dúısenova. Onyń sózine qaraǵanda, búginde baǵdarlama boıynsha 1500 myń múgedek áleýmettik kelisimshartqa qol qoıdy. Olardyń 294-i turaqty jumys ornyna ıe boldy. Sondaı-aq 100-ge jýyq adam shaǵyn nesıe aldy.