Árbir ekinshi qazaqstandyq qaýipsiz donorlyq týraly bilmeıtin bolyp shyqty - DSU
ASTANA. 14 maýsym. QazAqparat - Árbir ekinshi qazaqstandyq qaýipsiz donorlyq týraly bilmeıtin bolyp shyqty.
Bul týraly búgin Astanadaǵy "Qan ortalyǵynda" Dúnıejúzilik donorlar kúnine arnalǵan sharada Dúnıejúzilik densaýlyq saqtaý uıymynyń Qazaqstandaǵy ókili Melıta Výınovıch málim etti.
"Bıyl biz "Ómir tamshysy" qoǵamdyq uıymymen birge jasaǵan zertteýdi aıaqtaǵan bolatynbyz jáne óte qyzyqty málimetterge tap boldyq. Qaýipsiz donorlyq týraly saýal qoıǵanymyzda árbir ekinshi respondent ol týraly tipti eshteńe estimegenin aıtty. Suralǵandardyń 30 paıyzy qandy qaıda tapsyrý kerektigin bilmeıdi. Donorlyq jaıynda biletinderdiń 95 paıyzy qaýipsiz donorlyq týraly aqparattarǵa senimmen qaraıdy", - dep atap ótti M.Výınovıch.
Onyń aıtýynsha, qazaqstandyq donorlardyń 77 paıyzy qan tapsyrýdy 16-25 jas aralyǵynda bastaǵan. Sondyqtan M.Výınovıch jastar arasynda tegin donorlyqty nasıhattaý qajet dep esepteıdi.
