Árbir besinshi mektepte sanıtarlyq rejım buzylyp otyr – Eraly Toǵjanov
«Oqý jylynyń basynda ákimdikter daıyndyqtaryn tolyqtaı rastap, tıisti aktilerge qol qoıǵan bolatyn. Degenmen úginde árbir besinshi mektepte sanıtarlyq rejımniń buzylýy anyqtalyp otyr. Ákimderden tez arada arnaıy jınalys ótkizip, anyqtalǵan kemshilikterdi joıý boıynsha qajetti sharalardyń bárin qabyldaýdy suraımyz», - dedi vıtse-premer Úkimet otyrysynda.
Sondaı-aq, búgingi Úkimet otyrysynda Densaýlyq saqtaý mınıstri Alekseı Tsoı 20 qazannan bastap karantın talaptary jeńildeı túsetinin málim etti.
«Epıdemıologııalyq jaǵdaıdyń turaqtanýyn, sondaı-aq vedomstvoaralyq komıssııanyń vaktsınatsııaǵa jatatyn kontıngenttiń 70%-dan astamyn ekpemen qamtyǵanyn eskere otyryp, 2021 jylǵy 20 qazannan bastap mynadaı sharalarǵa ruqsat berý týraly sheshim qabyldandy: Kelýshiler COVID-19-ǵa qarsy vaktsınatsııalaýdyń tolyq kýrsyn alǵany týraly qujatty nemese PTR anyqtamasyn usynǵan kezde qarttar men múgedekter úıi, balalar úıi sııaqty medıtsınalyq-áleýmettik obektilerdiń patsıentterine barýǵa ruqsat beriledi», - dedi vedomstvo basshysy.
Sondaı-aq, ol túngi klýbtardyń qyzmeti tek «jasyl» mártebesi bar adamdarǵa arnalatynyn eskertti.
