Árbir azamat terrorızm men ekstremızm jolyn kesýge daıyn bolýy kerek - N.Nazarbaev
ASTANA. QazAqparat - Terrorızm men ekstremızmmen eń úlken kúres - jastardyń bilimi men mádenıeti, birligi men tutastyǵy. Bul týraly búgin Nazarbaev Ýnıversıteti túlekteriniń ekinshi saltanatty oqý bitirý rásiminde sóz sóılegen Elbasy Nursultan Nazarbaev aıtty.
«Árbir azamat terrorızm men ekstremızm jolyn kesýge daıyn bolýy kerek. Mundaı syn-qaterlermen eń úlken kúres - jastardyń bilimi men mádenıeti, birligi men tutastyǵy. Kózi ashyq, kókiregi oıaý, jan-jaqty bilimi bar adam eshqashan arandatýshynyń aıtqanyna ermeıdi. Kerisinshe, adasqan jandardyń túzý jolyna túsýine yqpal etedi. Sender ǵylym men tehnologııany ıgerip qana qoımaı rýhanı kemel azamat bolýlaryń qajet. Qoǵamdaǵy kez kelgen jaǵymsyz qubylysqa toıtarys berýge daıyn bolýǵa tıissińder. Bilimmen qatar otanshyl, qyraǵy, maqsatker jáne eńbekqor bolsańdar táýelsizdigimizdi nyǵaıtýǵa súbeli úles qosa alasyńdar», - dedi N.Nazarbaev.
