Árbir azamat óziniń eńbekaqysyna sáıkes zeınetaqy alýy kerek - T. Dúısenova
ASTANA. 5 sáýir. QazAqparat - Árbir azamat óziniń eńbekaqysyna sáıkes, zeınetaqy alýy kerek. Bul týraly «Qazaqstan» ulttyq arnasyndaǵy «Alań» baǵdarlamasyna qatysqan Eńbek jáne halyqty áleýmettik qorǵaý vıtse-mınıstri Tamara Dúısenova osylaı málim etti. Elimizdegi zeınetaqy júıesindegi jańalyqtarǵa arnalǵan atalmysh baǵdarlamany aldaǵy ýaqytta ulttyq arnadan tamashalaı alasyzdar.
«Zeınetaqy júıesine qatysty álemdik tájirıbege kelsek, egerde jınaqtaýshy júıesine 30 jyl qatysyp, jyl saıyn 12 márte jarnany oǵan aýdaryp otyratyn bolsa, jınaqqa ınflıatsııalyq ınvestıtsııalyq tabys ta qosylyp otyratyn bolsa, onda ol azamatqa óziniń alyp kelgen eńbekaqysynyń 40 paıyzynan kem bolmaıtyn zeınetaqy taǵaıyndalady. Bizdiń jaǵdaıymyzǵa kelsek, qazir 5,6 mln. adam zeınetaqy jınaqtaý júıesine qatysady. Sonyń 3,8 mln. adamy ǵana turaqty túrde aı saıyn zeınetaqy jarnasyn aýdaryp keledi, al qalǵan 2 mln.ǵa jýyǵy ony aýdaryp otyrǵan joq», - deıdi vıtse-mınıstr.
Vıtse-mınıstrdiń aıtýyna qaraǵanda, zeınetaqy júıesinde jumys berýshilerge kóp jaýapkershilik júkteledi. ıAǵnı, jumys berýshi óziniń eńbekkeriniń áleýmettik jaǵdaıyn oılaýy kerek. «Árbir azamat óziniń eńbekaqysyna sáıkes zeınetaqy alýy kerek. Jalpy, ekonomıkada azamattardyń jumys erekshelikterine oraı ártúrli eńbekaqylar bolady. Máselen, dáriger men shahterdyń eńbekaqysy eki bólek. Degenmen, eńbekaqyǵa saı zeınetaqy alý eń durys sheshim dep oılaımyn», - dedi T. Dúısenova.
Zeınetaqy júıesindegi basqa da jańalyqtar týraly baǵdarlamada órbigen áńgimeniń tolyq nusqasyn «Alań» baǵdarlamasynyń aldaǵy shyǵarylymynan kóre alasyzdar.
