«Árbir adam mańyzdy»: Astanada esirtki máselesine arnalǵan fotokórme ashyldy
ASTANA. QazAqparat - Fotokórme halyqaralyq nashaqorlyq pen esirtki saýdasyna qarsy kúres kúnine oraı, USAID pen BUU nashaqorlyq jáne qylmystar jónindegi basqarmasynyń uıymdastyrýymen ashyldy, dep habarlaıdy QazAqparat tilshisi.
Fotokórme esirtki qoldanýdyń kúrdeli túrlerin sıpattaıdy, tabysy ortasha nemese tómen elderdegi esirtkige táýeldilikti emdeýdiń qıynshylyqtary men tosqaýyldaryn kórsete otyryp, esirtki qoldanýǵa ákelip soǵatyn ár túrli jaǵdaıdy aıshyqtap, adamdardyń táýeldilikti qalaı aýyzdyqtaıtynyn jáne táýeldilikten arylǵannan keıin ómirleri qalaı ózgeretinin kórsetedi.
«Dertten emdelý týraly hıkaıalar densaýlyq saqtaý júıesiniń kómegimen adamnyń nashaqorlyqqa táýeldilikti qalaı jeńýge bolatynyn ishteı túsinýge múmkindik beredi. Adamdar ómirinen alynǵan atalmysh oqıǵalar emdeý men kútimniń mańyzdyǵyn dáleldeıdi jáne álemdegi esirtki máselesin sheshýge atsalysýǵa shaqyrady», - dedi fotokórmeniń avtory, belgili sýretshi Nık Danzıger.
Aıta ketsek, sońǵy Álemdegi esirtki baıandamasyna sáıkes (2017) esirtki táýeldiligi bar alty naýqastyń tek bireýi ǵana emdeý qyzmetterine qol jetkize alady.
WHO, UNODS jáne UNAIDS (UNODC, 2017) usynǵan 20-40% úlespen salystyrǵanda, Qazaqstanda 2016 jyly esepte turǵan apıyn esirtkisine táýeldi azamattardyń tek 0, 23% ǵana dári-dármek pen demeýshi emge qol jetkize aldy, al BDU, BUU NQB jáne ıÝNISED bolsa 20-40% qamtýdy usynady (BUU NQB, 2017).
Fotokórmeniń ashylý saltanatyna avtordan ózge BUU NQB jáne USAID ókilderi, Qazaqstannyń óńirlerinen almastyrylymdy terapııany qoldaıtyn patsıentter, Qazaqstandaǵy Adam quqyqtary jónindegi ýákil ókilderi qatysty. Fotokórme 26 maýsymnan 3 shildege deıin sozylady.
