Arbaǵa tańylǵan lańkes Beıjiń áýejaıynda bomba jaryp jiberdi
ASTANA. 21 shilde. QazAqparat - Jarylys Beıjińniń halyqaralyq áýejaıynyń ushyp kelý zalynda bolǵan.
Aldyn ala boljamdar boıynsha bombany múgedekter arbasyna tańylǵan er adam jarǵan, dep habarlaıdy jergilikti BAQ.
Oqıǵa senbi kúni jergilikti ýaqyt boıynsha 18:24-te «Shoýdý» áýejaıynyń 3-termınalynda bolǵan. Osy jaǵdaıdy kózben kórgender Weibo shaǵyn blogtar servısinde bylaı dep jazady: Múgedektar arbasyndaǵy er adam ushyp kelý zalynyń shyǵa berisinde qolyndaǵy aq paketin bulǵap, áldeqandaı sózderdi daýystap aıtqan.
Bul jaǵdaıdan keıin kóp uzamaı jarylys bolǵan.
Oqıǵaǵa kúdikti lańkesti aýrýhanaǵa jetkizgen, alaıda onyń jaǵdaıy belgisiz kúıde qalyp otyr. Qytaıdyń CCTV memlekettik telearnasynyń habarlaýynsha, zardap shegýshi Shandýn Tszı Jon Tszın provıntsııasynyń 34 jastaǵy turǵyny eken.
Abyroı bolǵanda, jolaýshylar men áýejaı qyzmetkerleriniń eshqaısysy zardap shekken joq.
