Arbaǵa tańylǵan boıjetken Miss World Australia konkýrsyna qatysty
ASTANA. QazAqparat - Múmkindigi shekteýli boıjetken alǵash ret Miss World sulýlyq konkýrsyna qatysty.
Djastın Klark (Justine Clarke) avstralııalyq Adelaıda shtatynda bolǵan aımaqtyq baıqaýdyń fınalynda baq synady, dep jazady Daily Mail.
26 jastaǵy Klarkkonkýrstyń jeńimpazy bola almady jáne ulttyq kezeńnen de tysqary qaldy. Biraq ol qatysqandyǵynyń ózi úlken jetistik ekendigin jáne aldaǵy ýaqytta da múgedekterdiń quqyǵyn qorǵaýdy jalǵastyratyndyǵyn málimdedi.
«Arbaǵa tańylǵan jannyń osyndaı konkýrsqa qatysýǵa múmkindik alýynyń ózi úlken qadam. Men bul oqıǵa ózgelerdi jigerlendiretin shyǵar degen oıdamyn. Kıimniń kólemine nemese múmkindiktiń shekteýli bolýyna qaramastan - sizder báribir ádemisizder»,-dedi ol tileýlesterine.
