Araılym Ábenova sambodan álem chempıony atandy

Erevan qalasynda sambodan eresekter arasynda álem chempıonaty máresine jetti, dep habarlaıdy Kazinform.

Sportty damytý dırektsııasy málim etkendeı, Araılym Ábenova asa aýyr salmaqta úzdik shyqty. 

Ótken jylǵy álem birinshiliginde qolany qanaǵat tutqan Araılym bul joly fınalda 80 keliden joǵary salmaqta reseılik sportshy, Orynbor oblysynyń ókili Janar Qusanovany 6:0 esebimen jeńdi.

Ábenova aldymen shırek fınalda fılıppındik Sıdneı Sıdi qapy qaldyrdy. Sodan keıin jartylaı fınalda rýmynııalyq Bıanko Prodandy 3:2 esebimen joldan taıdyrdy. Osylaısha, Araılym qazaq qyzdary arasynda alǵash ret asa aýyr salmaqta jeńis tuǵyryna kóterilip otyr.

Ol jeńisti sátinen keıin bergen suhbatynda budan bylaı da álemde úzdik shyǵyp, Qazaq eliniń kók baıraǵyn bıikte jelbiretýdi maqsat tutatynyn jetkizdi. 

Jarystyń sońǵy kúni sondaı-aq Álibek Zekenov 98 kg salmaqta qola júldege ıe boldy. Ol úshinshi oryn úshin beldesýde tájik balýany Bahtovar Zamırovty 3:0 esebimen jeńdi. Taǵy bir qazaqstandyq Talǵat Jıentaev áskerı sambodan 98 keliden joǵary salmaqta úzdik úshtikke ilikti.

Eske sala keteıik, budan buryn qazaqstandyq samboshylardyń álem chempıonatynda taǵy úsh medal jeńip alǵanyn jazǵan bolatynbyz.