«Araı» parkinde muz aıdyny ashyldy (FOTO)
ASTANA. QazAqparat - Jańa jyl qarsańynda «Araı» parkinde astanalyqtar úshin muz aıdyny ashyldy. Saltanatty sharaǵa «Esil» aýdanynyń ákimi Sabıla Mustafına qatysty, dep habarlady astana.gov.kz.
- Birinshiden, park qalanyń ortalyq bóliginde ornalasqan, sol jaǵalaýda, ortalyq park deýge de bolady. Sondyqtan turǵyn alabtaryna, halyqqa, balalarǵa jaqyn bolsyn degen oı keldi. Parktiń janynda mektep bar, aıdyndy osy jerge jasadyq. Aýdany 5 myń metrlik jerde aspanǵa umtylǵan jebe túrinde muz aıdyny ashyldy, dedi «Esil» aýdanynyń ákimi Sabıla Mustafına.
Jańa muz aıdynynyń syıymdylyǵy - 250 adam. Munda merekelik kóńil-kúı birden seziledi, mýzyka da oınap tur. Resmı ashylý saltanatynan keıin «Astana» HK jastar komandasy aıdynǵa shyqty.
Parkte medıtsınalyq pýnkt, dámhana, radıorýbka, konkıdi jalǵa alý orny, sondaı-aq jylyný aımaǵy men LED-ekran bar. Konkıdi jalǵa alý quny saǵatyna 500 teńge. Túnde aıdynda ıllıýmınatsııalyq jaryqtandyrý qosylady.
Aıta keteıik, «Esil» aýdany aýmaǵynda Shyǵys Ilınka jáne Prıgorodnyı turǵyn alabtarynda taǵy da eki aıdyn jasalmaq.
