Aralyq jáne tórelik sottardy keńinen qoldaný úshin kadr máselesine nazar aýdarý qajet

Búgin QR Parlamenti Senatynda balama sot ádildigi problemalaryn talqylaýǵa arnalǵan jıyn barysynda QR Ádilet vıtse- mınıstri Marat Beketaev osylaı málim etti, dep habarlaıdy QazAqparat.«Qazaqstanda aralyq jáne tórelik sottardy tájirıbede keńinen qoldanýda kadr máselesi ózekti bolyp otyr. Biz búgingi kúni elimizdegi sanaýly ǵana kásibı, ataqty zańgerlerdiń tórelik sot tájirıbesimen aınalysyp júrgenin bilemiz. Al qalǵandary týraly múldem aqparattar joq. Sondyqtan da, aralyq sottar týraly biregeı bazalar málimeti qalyptassa ıgi. Budan bólek, tórelik jáne aralyq sottar úshin kadrlardy oqytý men olardyń biliktiligin arttyrý júıesin engizgen oryndy. Bul maqsatta joǵary oqý oryndary janynan arnaıy bólimder ashqan da jón», dedi M. Beketaev.

Toqtala ketetin jaıt, Qazaqstanda 15-ke jýyq tórelik sottar qyzmet etedi. Bulardyń negizgi qyzmettik baǵyty ekonomıkanyń túrli sektorlaryndaǵy daý-damaılardy sheshýdi qamtıdy.